Te fundit
Ç’pati Berisha që sulmoi kandidatin potencial për president të SHBA?
30 Shtator 2022, 18:07Politika
TEMA
Nga Ylli Pata
Debati te Fevziu pas intervistës së ambasadores Yuri Kim, mori një drejtim paksa surreal, duke kërkuar “qëndrime të reja” apo “zhvillime të freskëta”.
E për ta komplikuar situatëm shërbeu qëndrimi skeptik apo edhe kritik i Baton Haxhiut ndaj disa prej deklarimeve të ambasadores amerikane.
E siç ndodh shpesh, kur i marrin pikëpamjet e Batonit si ato të Ramës, u shoshit me një vrull më të madh, teza e “ndryshimit të qëndrimit amerikan në lidhje me politikën shqiptare.
Zelli për ta qasur takimin e ambasadores së SHBA me Ilir Metën si një “risi”, dukej më shumë i sforcuar sesa një realitet faktik.
Kjo pasi, kontaktet e ambasadores Yuri Kim me partinë e Ilir Metës mund të quhen të “reja”, vetëm se i ri është emri i partisë që deri në fund të korrikut quhej LSI. Pikërisht në atë zyrë ku Meta priti ambasadoren amerikane, para pak kohësh, diplomatja e SHBA është takuar disa herë me të shoqen e Ilir Metës, Monika Kryemadhi, e cila mbante postin e kryetares së një partie parlamentare.
Marrja për “zhvillim të ri”, cekja e temës së kriminalitetit, që u mëshua fort nga ambasadorja Yuri Kim, edhe mund të konsiderohet, por faktikisht kjo mënyrë e qëndrimit të qeverisë amerikane është përsëritur herë pas here.
Kushdo i mban mend deklaratat e ambasadorit Donald Lu, i cili përmendte me emra të përveçëm Emiljano Shullazin, Met Kananin, apo edhe emra të tjerë të baronëve të krimit shqiptar.
Gjithsesi, secili mund të gjejë variacione mbi temën sipas asaj që e shikon dhe e mendon, megjithëse duket se ajo që ambasadorja Yuri Kim ceku fuqishëm në intervistën e Fevziut, ishte fakti i lidhjes së disa qarqeve mediatike dhe politike të Tiranës me influencën ruse, e cila siç tha është paguar me para.
Kur këtë deklaratë e thotë prej vitesh avokat Ngjela, shumë nga mbështetësve mediatikë të Berishës dhe Metës e kanë tallur e përqeshur. E ky konfirmim i deklaratës së avokatit nga një nivel kaq i lartë zyrtar i SHBA, tregon se analiza e Ngjelës ka pasur më shumë bazë e fuqi parashikuese.
Nejse, përveç këtij debati për “qëndrimin e ri amerikan”, ajo që u vu re sot, ishte pikërisht irritimi i madh i Sali Berishës me intervistën e ambasadores Yuri Kim. Ky irritim është vërtetë një zhvillim, pasi ambasadorja nuk foli fare personalisht për Berishën. Ajo thjesht përmendi qëndrimin e qeverisë së saj se “ne nuk takohemi me ata që janë shpallur Non Grata. E kjo dihet tashmë, e s’ka nevojë të përsëritet shpesh e shpesh. Iluzioni që disa mbështetës të Foltores përhapën gjatë betejës me Lulzim Bashën se efekti i Non Gratës tashmë “është shkrirë”, natyrisht që do të ishte i tillë dhe asnjëherë nuk do të përbënte një “tokë” për të humburit në mes të oqeanit, që e shohin nga dëshira e madhe për të gjetur një breg.
Po pse atëherë u irritua Sali Berisha kaq shumë? Dy duket se janë arsyet, duke parë edhe rrjedhjen e gjërave jo të reja, por që ecin bashkë me kohën, e cila nuk pyet për askënd apo për propagandën frenetike të paneleve të darkës.
Duket qartë se Sali Berisha ka pritur edhe pret një qëndrim linear në lidhje me SHBA-në dhe ambasadoren amerikane në Tiranë, në radhë të parë nga Ilir Meta. Ekzistenca e dy qëndrimeve në “çiftin e tyre politik”, duket nuk i vyen fare doktorit. Pasi, Sali Berisha e ka bazuar betejën e tij pas Non Gratës, për të mbajtur të karikuar një elektorat radikal, që të jetë i “dehur” me qëndrimet e egra antiamerikane. Por, siç po shihet, gjithnjë, e përditë e më shumë, kjo masë njerëzish po zbehet e zvogëlohet.
Në Partinë Demokratike po kthjellohen ujrat, që sipas gjasave do të pastrohen edhe më shumë me zhvillimet jo vetëm politike, por edhe ato të hetimeve nga SPAK.
Berisha synon të provokojë Ilir Metën me sulmet e tij radikale ndaj SHBA dhe ambasadores Yuri Kim, në mënyrë që të mbajë hapur një debat që duket se gjithnjë e më shumë është mbyllur. Duke e yshtur të afrohet te ai banak, ku një vit më pare s’la gjë pa thënë.
Nga ana tjetër, sot Sali Berisha, krejt papritur ka sulmuar ashpër Mike Pompeon, ish-Sekretarin e Shtetit dhe ish-shefin e CIA-s nën presidencën e Donald Trump. Ai e akuzoi atë se “rri me mafiozë”, duke përmendur Taulant Ballën e Alket Hysenin. Dy politikanë të lartë të mazhorancës, ku asnjëri, nuk ka ndonjë ndalim prej SHBA apo Britanisë së Madhe, si vetë Berisha.
Por, ka gjasa gjithashtu se sulmi ndaj Pompeos, të ketë ndikim prej ndonjë bisede që krejt natyrishëm ish-Sekretari i Shtetit ta ketë bërë me ambjentet politike të Partisë Republikane Amerikane, në lidhje me situatën në Shqipëri. Ku natyrisht që mund të ketë zënë vend edhe Berisha.
Shpresa për një mbështetje nga sallone politike republikane, sado e vogël të jetë ajo, duket është ventitur përfundimisht. E kështu sulmoi egër Pompeon, i cili është edhe një kandidat potencial i republikanëve për President i SHBA në fushatën e 2024-s. Duke e mbyllur keq me të dy krahët e politikës amerikane.
E meqë ra fjala te intervista e ambasadores, ajo që ajo tha më qartë, ishte pikërisht rreziku se një politikë ndryshe mund ta devijonte Shqipërinë nga aleanca me Perëndimin.
“Është koha që populli shqiptar dhe qeveria shqitpare të zgjedhin përsëri se cilën rrugë do të zgjidhni. Mendojmë se rruga është përpara drejt të ardhmes, drejt perëndimit…”, deklaroi ambasadorja e SHBA-së, duke përmendur në mënyrë eksplicite vitin 1997, si një kohë kur nga Sali Berisha ishte përgatitur “Plani B”.
E sipas gjasave, pikërisht për këtë gjë, në mënyrë zyrtare e logjike, ambasadorja Kim mund ta ketë pyetur Ilir Metën si “kryetar i ri” i “një partie të re” se çfarë mendimi ka ai për aleancën me SHBA dhe Perëndimin. Po për këtë, asnjëri nuk foli mbrëmë….
16 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po tani ai ka mbaruar prandaj vetem ofendon dhe bertet
Gazetaret qe shkruajne ketu jane komplet hajvane Ky Poompeo nuk behet kurre President dhe as qe eshte ne radar fare per kete pune se nga e shpik ky gazetari koperativist hajde mrre vesh
Permbahu dhe mos ofendo gazetaret , ata nuk shkruajn por botojne , ose marin copy nje lajm dhe e botojne ne bashkepunim me moderatoret . Nuk tha njeri qe do behet President , vec eshte nje kantidature e mundeshme e Republikaneve .....edhe nje here , eshte nje kantidature e kampit Republikan ....ka nje diferenc kantidati me berjen e presidentit ....po se kuptove sta ka fajin njeri ....filtro dicka dhe lexoi me kujdes botimet ....ben vaki dhe gjate rruges te terhiqet , ne baze te sontazheve dhe analizave , ku qendron ketu moskuptimi ??? Pastaj ti ku e di qe Pompeo nuk do behet ??? Ti e vendos ?? Fjala "kurre " nuk duhet perdorur sot per asgje , sot nuk je i sigurt per asgje , cdo gje mund te ndodhe dhe cdo kush shpreson ....ketu u be Trumpi nje guak i deklaruar , sdo shpresojne te tjeret ....mendimi im , sta imponoj dot , une timin dhe ti tendin ....
Pompeo as kandidat ka qenë dhe as nuk është shprehur ndonjëherë se do të bëhet president. Ti Hajro do që ta bësh me zor president tjetrin?? Mirë gazetarët tanë se u falet të duan si presidentë edhe gomerë po ti që thjesht lexon gomarlliqet e tyre mos I pe ndonjë ëndërr Pompeut?!
https://www.cbsnews.com/news/mike-pompeo-campaigns-for-midterms-and-mulls-a-presidential-run-the-takeout/
Raimond shiksi , ky gazetari nuk te ka pyetur ty qe nepermjet Berishes di gjithçka,prandaj ja ka futur kot!Po meqe ra fjale nuk na thua ti qe e di kush do te behet president?
Po ti o shëmtaraq nga e di ,.
Raimut Vloraku, të ka shpëtuar ty nga radari ky zhvillim: (nëse di anglisht, o salist injorant) https://www.cbsnews.com/news/mike-pompeo-campaigns-for-midterms-and-mulls-a-presidential-run-the-takeout/ https://www.washingtonpost.com/opinions/2022/04/29/pompeo-presidential-run/
Si gjithmone kete avaz ka ky ordinderi kur e diskreditojne
Sali kafshen duhet derguar në psikjatri Nuk din as qka flet as kend e ofendon as kend e sulmon Nuk ka faj i shkreti është i semuar mental duhet ta kuptojmë
Po ca flisni kot more pse akuzoni ramen pa lidhje
Po beni disa lajme qe nuk kan kuptim fare dhe jan shume pa lidhje
Temen e semes , ju te temes keni dale fare nga binaret ! Ja fusni tjeter per tjeter , Mashtroni genjeni sy me sy me shkrimet tuaja . Vini ne goje te miletit fjale te pathena e as te menduara biles ! Jeni ne siklet te madh si duket !!!!!!
si Salih Ram Berisha si Ilir Muti jane dy njerez tashme te diskredituar per shqiptaret dhe kurre nuk vijne ne pushtet po do shkojne me keq ne kazanin e plehrave te historise
Aty ku i shti hundet Baton Haxhiu, 'rezultatin' e shihni sapo t'i dale tymi, kur ta shihni flaken nuk mund ta shuanu, mundeni vetem qe t'i neni duart!
Jane te marre ata qe i shkojne Pas ketij delenxhiu Obskurantist.Sali Kerma quhet i Mbaruar me te Tana dhe bile Familisht e Oborrtarisht. ketij Horri nuk i duhet lene hapsire fare ,duhet injoruar e bile Penalizuar sa ma Pare..Kur do te hysh ne Valle O Drejtesi e Re????