PE miraton raportin për Shqipërinë, Hoxha: Anëtarësimi në BE është objektiv realist dhe i arritshëm

Ministri për Evropën dhe Punët e Jashtme, Ferit Hoxha, ka përshëndetur votimin në Parlamentin Evropian të raportit të progresit për anëtarësimin e Shqipërisë në Bashkimin Evropian, duke e cilësuar atë si një tjetër votë të rëndësishme besimi për të ardhmen evropiane të vendit.

Në një postim në rrjetin social X, Hoxha bëri të ditur se pas miratimit nga Komiteti për Punët e Jashtme në muajin maj, raporti u votua sot në seancë plenare me 483 vota pro nga 656 eurodeputetë që morën pjesë në votim, ose rreth 74% mbështetje.

Sipas ministrit, ky rezultat riafirmon mbështetjen e fortë të Parlamentit Evropian për rrugën e anëtarësimit të Shqipërisë në BE dhe njeh progresin e konsiderueshëm të arritur në fushat kryesore të reformave.

“Mesazhi është i qartë: Udhëtimi evropian i Shqipërisë po përparon, përpjekjet tona për reforma po japin rezultate të prekshme dhe objektivi ynë për t'u bashkuar me Bashkimin Evropian është realist dhe i arritshëm”, shkroi Hoxha.

Ai falenderoi Parlamentin Evropian, raporterin Andreas Schieder dhe të gjithë mbështetësit e procesit të zgjerimit të BE-së, duke theksuar se negociatat e anëtarësimit mbeten një instrument kyç për vijimin e reformave dhe përmbushjen e standardeve evropiane.

Ministri nënvizoi gjithashtu se Shqipëria mbetet e përkushtuar për të ruajtur ritmin e reformave, me synimin për të përfunduar negociatat e anëtarësimit deri në vitin 2027 dhe për t’u bërë anëtare me të drejta të plota e Bashkimit Evropian deri në vitin 2030.

Operacionet e fundit të SPAK, Alibeaj: Fijet e dosjeve shkojnë sa në qeveri, aq edhe në opozitën e Berishës

17:10 Politika 1 koment

“Protestat u bënë ushqim për vendet armike” - Çupi: Është një grumbullim amorf njerëzish. Nuk merren në konsideratë nga SHBA dhe BE

17:00 Politika 10 komente

“Synimi është të prodhojnë destabilizim”, analisti për protestën para Kryeministrisë: 90% e folësve janë njerëz të Berishës

16:01 Politika 10 komente

PE rrëzoi amendamentin për Sazanin dhe Zvërnecin, Rama: Flamingot do të mbrohen, Vjosë-Narta do të mbrohet, Zvërneci do të zhvillohet

15:45 Politika 53 komente

VIDEO/ Tabaku nga Strasburgu: Parlamenti Europian konfirmoi shqetësimet e shqiptarëve, integrimi kërkon reforma dhe jo akumulim pushteti

14:40 Politika 32 komente

Deklarata e Koçekut për Bajrajt, reagon PS: Kush ndihet i kërcënuar t’i drejtohet policisë

14:20 Politika 9 komente

PE miraton raportin e progresit për Shqipërinë! Schieder: Integrimi në BE më 2030, objektiv realist

14:10 Politika 6 komente

Kadilli: Pas protestave fshihen neomarksistët dhe islami politik! Synojnë të mbajnë gjallë frymën e urrejtjes deri në zgjedhje

13:25 Politika 18 komente

Komisioni i Venecias vlerëson pozitivisht projektligjin për financimin e partive politike, rekomandon disa përmirësime

12:45 Politika

VIDEO/ Protestuesit shkuan në ‘fan zone-n’ e botërorit, reagon Rama: Mendojnë se kanë të drejtë të frikësojnë të tjerët për hir të atdheut

12:25 Politika 67 komente