Te fundit

Shqipëria kalon Serbinë për numrin e kapitujve të hapur me BE-në

23 Maj 2025, 12:07Politika TEMA
Shqipëria kalon Serbinë për numrin e kapitujve të hapur me

Gjatë konferencës së pestë ndërqeveritare me Bashkimin Evropian, Shqipëria zyrtarizoi hapjen e Grup-kapitullit të Tretë negociues, mbi konkurrueshmërinë dhe rritjen e brendshme, duke tejkaluar Serbinë për sa i përket numrit të kapitujve të hapur.

Në negociatat e pranimit me BE-në, të cilat filluan shtatë muaj më parë, Shqipëria hapi grupet 1 (Bazat), 6 (Marrëdhëniet e Jashtme) dhe 2 (Tregu i Brendshëm) nga tetori 2024 deri në prill 2025, dhe të enjten Grupin e Tretë.

Këto katër grupe përmbajnë gjithsej 24 kapituj negociatash. Nga dhjetori 2015 deri në dhjetor 2021, Serbia hapi 22 kapituj në negociatat me Bashkimin Evropian, dhe që atëherë asnjë tjetër.

Nga gjashtë vendet e Ballkanit Perëndimor, Mali i Zi ka avancuar më shumë në procesin e integrimit evropian, duke hapur të gjithë kapitujt e negociatave dhe duke mbyllur përkohësisht gjashtë.

Që një vend kandidat të përmbushë kërkesat për anëtarësim në BE, ai duhet të hapë dhe më pas të mbyllë të gjithë kapitujt e negociatave. Vendimet për hapjen dhe mbylljen e kapitujve merren nga të gjithë anëtarët e BE-së me konsensus.

Çfarë përfaqëson Grup-kapitulli i ri që pritet të hapet nga Shqipëria

Me emërtimin Konkurrueshmëria dhe Rritja Gjithëpërfshirëse, tetë kapituj janë pjesë e tij.

Ky grupim përfaqëson rritjen gjithpërfshirëse për mirëqënie dhe përfshin tetë fusha ose kapituj:

-Kapitulli 10 (Transformimi Digjital dhe Media)

-Kapitulli 16 (Tatimet)

-Kapitulli 17 (Politika Ekonomike dhe Monetare)

-Kapitulli 19 (Politika Sociale dhe Punësimi)

-Kapitulli 20 (Ndërmarrjet dhe Politika Industriale)

-Kapitulli 25 (Shkenca dhe Kërkimi)

-Kapitulli 26 (Arsimi dhe Kultura)

-Kapitulli 29 (Bashkimi Doganor)

Lini një Përgjigje

Më të lexuarat

Blog Tema

Powered by Tomorrow.io