17 vite anëtarë të NATO-s/ Begaj: Shqipëria është një aleate e denjë! Ministri Hoxha: Kemi dëshmuar besim dhe përkushtim ndaj Aleancës

Shqipëria kremton këtë 1 prill 17-vjetorin e hyrjes në Aleancën e Atlantikut të Veriut, NATO. Në këtë ditë, presidenti i Republikës Bajram Begaj shkruan se anëtarësimi i Shqipërisë në NATO është një moment historik për sigurinë dhe sovranitetin Euroatlantik.

“Sot, 17 vjet Shqipëria në NATO, një moment historik për sigurinë, sovranitetin dhe orientimin tonë Euroatlantik.

Si aleancë e vlerave demokratike, NATO është garant i paqes, sigurisë dhe mbrojtjes kolektive në hapesiren Euroatlantike. Shqipëria është një aleate e denjë, kontribuese aktive në misionet dhe operacionet e saj.

Krenarë për përkushtimin dhe profesionalizmin e Forcave tona të Armatosura! Mbetemi të bashkuar për paqen, stabilitetin dhe një të ardhme më të sigurt për të gjithë”, shkruan Begaj në postimin e tij.

Ministri i Jashtëm Ferit Hoxha thekson në këtë 17-vjetor se Shqipëria ka dëshmuar se është një Aleate e përkushtuar dhe e besueshme e NATO-s me kontributet që ka dhënë në operacione ushtarake.

“Si sot, 17 vjet më parë, Shqipëria hodhi një hap vendimtar drejt së ardhmes së saj duke u bërë anëtare me të drejta të plota në NATO - një moment historik që e ankoroi vendosmërisht rrugëtimin tonë euro-atlantik dhe konsolidoi themelet e sigurisë kombëtare.

Që nga ai moment përcaktues, Shqipëria ka dëshmuar se është një Aleate e përkushtuar dhe e besueshme, duke kontribuar aktivisht në misionet dhe operacionet e NATO-s, si dhe duke promovuar stabilitetin në Ballkanin Perëndimor, përfshirë mbështetjen e vazhdueshme për perspektivën euro-atlantike të Kosovës.

Sot, Shqipëria është plotësisht e harmonizuar me prioritetet në zhvillim të NATO-s: nga ndarja e drejtë e përgjegjësisë dhe rritja e investimeve në mbrojtje, te forcimi i qëndrueshmërisë, përqafimi i inovacionit dhe avancimi i teknologjive të reja në një mjedis sigurie që ndryshon me shpejtësi.

Duke parë drejt së ardhmes, Shqipëria ka nderin të përgatitet për të pritur Samitin e radhës së NATO-s për herë të parë në rajonin tonë. Ky nuk është thjesht një aktivitet; është një shprehje e qartë e besimit në rolin, besueshmërinë dhe kontributin e Shqipërisë brenda Aleancës.

Në një botë gjithnjë e më komplekse dhe të pasigurt, Shqipëria mbetet e palëkundur — e bashkuar me Aleatët, e përkushtuar ndaj mbrojtjes kolektive dhe e dedikuar për ruajtjen e paqes, lirisë dhe vlerave tona të përbashkëta”, shkruan ministri Ferit Hoxha.

Preç Zogaj: Reagimi i Braçes, qëndrim politik, kërkon të trondisë konformizmin

08:05 Politika

"Partia s’është pronë e Saliut dhe Shkëlzenit," Evi Kokalari: Berisha po vonon qëllimisht garën, nuk i shpëton kandidimit tim

21:06 Politika 17 komente

Të enjten seancë plenare, zbardhet rendi i ditës! Interpelancë me ministrin e Lamallari dhe Ramën, çështjet që pritet të diskutohen

20:56 Politika

AKSK rrëzon pretendimet e hakerave iranianë: S'u prek sistemi jetik shqiptar

20:46 Politika

Debat i ndezur ndërmjet Artan Fugës dhe Erion Braçes në Festivalin e Gazetarisë: Kam frikë nga rritja e aparatit burokratik

20:30 Politika 2 komente

PS-PD “negociojnë” Kushtetutën, opozita kërkon ndryshim të sistemit elektoral, mazhoranca: Vetëm nëse ulet numri i deputetëve

20:10 Politika 2 komente

Kandidatura e Salianjit dhe përjashtimet/ Sefa: PD sot më keq se ’97, Berisha shkel vetë statutin!

19:45 Politika

Ish-ministri socialist shpall kandidaturën për kryebashkiak: Do t’i dal përballë Edi Ramës

19:21 Politika 80 komente

Pse PD riktheu trenin me vagona elektoral?

19:09 Politika 1 koment

Balla nga Rrogozhina: Shqipëria po avancon me ritme të shpejta drejt BE-së

18:54 Politika 1 koment