Te fundit
Spahiu: Politika po frymëzon atentate të tjera kundër gjyqtarëve dhe prokurorëve
15 Tetor 2025, 14:47Politika
TEMA
Juristi Kreshnik Spahiu tha se sulmet verbale ndaj gjyqtarëve dhe prokurorëve, nga politikanët sa herë që këta të fundit ndihen të rrezikuar nga gjykimi për shkeljen që mund t’i kenë bërë ligjit, nxisin urrejtjen e qytetarëve ndaj sistemit të drejtësisë.
Duke kujtuar vrasjen e gjyqtarit Astrit Kalaja, Spahiu tha se klasa e sotme politike ka interes që në sytë e publikut problemi të mos jenë ata, por gjyqtarët dhe prokurorët.
“Në tërësinë e vet, të dy raportimet, qoftë i Prokurorit të Përgjithshëm, qoftë i SPAK-ut, u karakterizuan nga shqetësimi i presioneve politike. Të dy deklarimet apo dëgjimet në Kuvend ishin pas një ngjarjeje shumë të rëndë që ka ndodhur në sistemin e drejtësisë.
Për rrjedhojë dhe në logjikën e të gjithë analizimeve, atentatet dhe vrasjet e gjyqtarëve dhe prokurorëve vijnë si pasojë e frymëzimit dhe retorikës që vjen nga deklaratat e liderëve politikë ndaj sistemit gjyqësor.
Ato përbëjnë në thelb një lloj frymëzimi për krimin, për të shënjestruar prokurorët. Klasa politike sot ka interes që në sytë e publikut problemi të mos jenë ata, por gjyqtarët dhe prokurorët", tha Spahiu në "Sot Live në Shqipëri" në Report TV.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
O Spahi!!!!! Problemi i vetem jane pronat, vendimet per pronat ndikojne ne reflektimin dhe vleresimin e punes se gjyqtareve. Prona eshte e shenjte, e pa prekshme dhe e patjetersueshme. Si fitohet prona, e di zotrote?. Kaq dhe pike, te tjerat qe thua jane brockulla. Edhe ti i sherben hajduteve te prones.
Nuk ka frymezim me te madh kunder drejtesise se sa fjalimet e palloshes. E vazhdoi me Gjelin dhe te tjere…………..