Te fundit
Takimi me Zelenskin në Kiev, Veliaj: Do rindërtojmë shkolla dhe do ofrojmë ekspertizën tonë në rimëkëmbjen e Ukrainës
20 Gusht 2022, 11:18Politika
TEMA
Bashkia e Tiranës do të ndihmojë Ukrainën me rindërtimin e shkollave dhe do të japë ekspertizën e saj për rimëkëmbien si pasojë e luftës.
Një ditë pas takimit me Presidentin e Ukrainës, Kryebashkiaku Erion Veliaj shkruan se Presidenti Zelenski i shprehu mirënjohjen e tij për mbështetjen që Shqipëria dhe Kryeministri Rama kanë dhënë gjatë gjithë kësaj periudhe.
“Shumë i lumtur që u takova me Presidentin Zelenski në Kiev, i cili shprehu mirënjohjen e tij për mbështetjen e Shqipërisë dhe Kryeministrit Rama në Këshillin e Sigurimit, strehimin e refugjatëve dhe çdo ndihmë tjetër.
Tirana dhe Kharkivi janë qytete motra - ne jemi zotuar të rindërtojmë shkolla aty dhe të japim ekspertizën tonë në rimëkëmbjen e Ukrainës”, thekson Veliaj.
Ndërkaq, kryebashkiaku Erion Veliaj ka shprehur mirënjohjen dhe për Dario Nardellan, Presidentin e Eurocities që mori drejtimin e 8 qyteteve të para që ndërmorën nismën për fillimin e rindërtimit të Ukrainës.
“Jam shumë krenar për Dario Nardellan - Presidentin tonë të Eurocities - që mori drejtimin e 8 qyteteve të para që nismuan procesin e përpjekjeve për rindërtimin e Ukrainës, çka shpresoj se do të ndiqet edhe nga qytete të tjera. Shqipëria, me rimëkembjen pas tërmetit, mund të japë shumë mësime që ia vlejnë të dëgjohen”, shprehet Veliaj.
Kryetari i Bashkisë së Tiranës Erion Veliaj ishte pjesë e grupit të Kryetarëve të Bashkive të Qyteteve Evropiane të Eurocities në mbështetje të Ukrainës.
Në prani të Presidentit Zelenski, Shefi i Zyrës së Presidentit, Andriy Yermak dhe Presidenti i Eurocities Dario Nardella, nënshkruan një Memorandum Mirëkuptimi për të mbështetur rindërtimin e qëndrueshëm të qyteteve të Ukrainës.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Do ofrojme ekspertizen tone......nderkohe sot ra pak shi ne Tirane dhe tek rruga Vorpsi shperthyen pusetat si çdo here!!!
Nje lajm shume premtues per te ardhmen e Shqiperise. Ekspertiza e Lalit per te mbjelle peme ne Ukraine kerkohet shume.
E "mahniti" fare me fjale te shkretin president. Ta dije zeleski sa " orator te mbare" e kemi lalin, aq sa i therrasin llapaqen, do kerkoj edhe ai te behet si lali. Nje pyetje kam per keta pushtat e e pushteti, kush i financon per keto vizita pa lidhje????? Jo per gje po nuk kane asgje ne dore per ti ndihmuar, se po te kishin do i kish vjedh me kohe.