Te fundit
Taulant Balla takim me Shoqatat shqiptare në Selanik: Shembull i ruajtjes së identitetit kombëtar
2 Nëntor 2024, 13:58Politika
TEMA
Ministri i Shtetit për Marrëdhëniet me Parlamentin, Taulant Balla, njëkohësisht edhe drejtuesi Politik i Partisë Socialiste për Disporën, zhvilloi një takim me drejtuesit e shoqatave shqiptare që veprojnë në Selanik, Greqi.
Diskutimet u përqendruan në disa çështje kyçe që prekin komunitetin shqiptar në këtë vend, duke përfshirë mësimdhënien në gjuhën shqipe, nevojën për një qendër kulturore, dhe problematikat lidhur me dokumentacionin e qëndrimit dhe njohjen e pensioneve.
Gjatë takimit, Balla theksoi rëndësinë e rolit të diasporës shqiptare në ruajtjen e kulturës dhe identitetit kombëtar, duke vënë në dukje se shoqatat kanë ndihmuar në integrimin e bashkëkombasve dhe përforcimin e lidhjeve mes dy vendeve.
“Shoqatat dhe diaspora shqiptare në Greqi kanë luajtur një rol kyç për të ndihmuar bashkëkombasit të integrohen, duke ruajtur njëkohësisht kulturën dhe identitetin e tyre kombëtar. Të gjithë ju që jeni këtu përfaqësoni jo vetëm organizata, por mbi të gjitha përfaqësoni rrënjët tona, identitetin tonë dhe lidhjet që kemi ndërtuar ndër vite. Angazhimi juaj i përditshëm dhe përkushtimi i pakursyer janë një shembull për të gjithë ne”, u shpreh ai.
Një temë e veçantë diskutimi ishte promovimi i gjuhës dhe kulturës shqiptare. Balla njoftoi se, falë një iniciative ligjore nga qeveria shqiptare, mësuesit që japin mësim në gjuhën shqipe në diasporë do të paguhen për kontributin e tyre, duke e cilësuar këtë si një hap të rëndësishëm për të kompensuar neglizhimin e viteve të fundit.
Ai gjithashtu shprehu mirënjohje ndaj shtetit grek për mikpritjen dhe thellimin e miqësinë mes Shqipërisë dhe Greqisë, duke theksuar rëndësinë e bashkëpunimit dhe mbështetjes së ndërsjellë.
Balla ftoi gjithashtu komunitetin shqiptar që të kontribuojë me njohuritë dhe eksperiencën e tyre për përparimin e reformave në kuadër të procesit të integrimit europian.
Kujtojmë se takimi i Ballës me drejtuesit e shoqatave shqiptare në Selanik vjen një ditë para takimit të paralajmëruar nga kryeministri Edi Rama me diasporën shqiptare në këtë qytet.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Rama, RTSh per emigracionin qe te merrni voten tone, ndryshenoc rrokun do merrni.
Po myslimanët shqip foles, pse nuke ruane indiditetin komtar? Por thonë se janë Turq-lindor?
flamuri grek permbys...hahahaha...Cu pjell mendja...Ndryshe nga greket qe se vene fare flamurin shqipetar,ju evini po po duke u falur si mysliman me bythen perpjete.
E ka cuar para konen e tij, islamistin e librazhdit dhe pionerin e enverit, mbas vjen dylberi i erdoganit, me fatwan, kunder vendit grek.