Te fundit
U shpallën 'non grata' nga SHBA/ Çfarë ndodh me familjarët dhe pronat e Aqif Rakipit dhe Ylli Ndoqit: Nga ndalimi i hyrjes në tokën amerikane deri te ngrirja e pasurive
11 Prill 2022, 17:38Politika
TEMA
Ditën e sotme SHBA shpalli non-grata duke pezulluar hyrjen në SHBA dhe bllokuar pronat atje, ish-deputetin e PDIU, Aqif Rakipi dhe Ylli Ndroqin.
Por çfarë ndodh me individët e shpallur non grata?
Atyre si dhe familjarëve të tyre u ndalohet hyrja në SHBA ndërkohë që të gjitha pronat dhe interesat e tyre në SHBA bllokohen dhe raportohen në OFAC. Rregullat e saj ndalojnë të gjitha transaksionet nga qytetarët amerikanë dhe qytetarët brenda SHBA duke përfshirë këtu prona të personave të përcaktuar non grata.
Pjesë nga deklarata
Si rezultat i vendimit të sotëm, të gjitha pronat dhe interesat në prona të individëve ose subjekteve të përcaktuara që ndodhen në Shtetet e Bashkuara ose në zotërim apo kontroll të personash të SHBA, duhet të bllokohen dhe të raportohen në OFAC. Rregullat e OFAC në përgjithësi ndalojnë të gjitha transaksionet nga qytetarët amerikanë ose qytetarët brenda (ose që kalojnë tranzit) Shteteve të Bashkuara që përfshijnë prona ose interesa në prona të personave të përcaktuar ose përndryshe të bllokuar. Personat e SHBA mund të përballen me ndëshkime civile ose penale për shkelje të E.O. 14033.
Forca dhe integriteti i sanksioneve të OFAC rrjedhin jo vetëm nga aftësia e saj për të përcaktuar dhe përfshirë persona në Listën e Personave të Posaçëm të Përcaktuar dhe Bllokuar (Lista SDN), por edhe nga vullneti i saj për të hequr persona nga Lista SDN në përputhje me ligjin. Qëllimi përfundimtar i sanksioneve nuk është të ndëshkojnë, por të sjellin ndryshime pozitive në sjellje. Për informacion në lidhje me procesin e kërkesës për heqjen nga një listë e OFAC, duke përfshirë listën SDN, ju lutemi referojuni Pyetjeve më të Shpeshta të OFAC. Për informacion të detajuar mbi procesin për të derguar një kërkesë për heqjen nga një listë sanksionesh të OFAC, klikoni këtu.
Çfarë thuhet për Shqipërinë
Në deklaratën e shpërndarë nga ambasada theksohet se krimi i organizuar mbetet kërcënim domethënës në Shqipëri dhe aktorët kriminalë vazhdojnë të kenë ndikim në politikë.
“Krimi i organizuar mbetet një kërcënim domethënës në Shqipëri dhe aktorët kriminalë vazhdojnë të kenë ndikim në politikën shqiptare, duke përdorur para dhe dhunë për të përcjellë mbështetje drejt kandidatëve të preferuar”, thuhet në deklaratë.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Të dy të shpallurit nongrada nuk kanë status politik apo deputeti. Problemi është kur SHBA shpall nongrada siç është rasti i berishës, dhe parëamenti shqiptar, punon me berishën me komisione dhe e fundit për zgjedhjen e presidentit. Kjo është non sens, sepse e trumbetojmë me të madhe vendimin e SHBA, ndërkohë nuk meret një vendim nga parlamenti shqiptar, ku personi nongrada nuk duhet të jetë pjesë e politilës. Kjo tregon se politika është kompromentuar në korrupsion si majtas dhe djathtas.