Te fundit
Gjermania e prerë: Duhet të nisin negociatat për anëtarësimin e Shqipërisë në BE
11 Prill 2022, 09:19Politika
TEMA
Në intervistën për DW, kryetari i Komiteti të BE-së në Bundestagun gjerman, Anton Hofreiter, shpjegon pse duhet të përshpejtohet procesi i zgjerimit.
Disa politikanë shqiptarë kanë qenë së fundmi tek ju për të kërkuar mbështetjen e Gjermanisë për hapjen e bisedimeve të anëtarësimit me Shqipërinë dhe Maqedoninë e Veriut.Si mund t'i bindni skeptikët në BE që të heqin dorë nga qëndrimi i bllokues?
Është e rëndësishme që në këto kohë të vështira të sigurohemi që Bashkimi Evropian të bëhet më i fortë dhe më i qëndrueshëm dhe që e gjithë Evropa të bëhet më e fortë dhe më e qëndrueshme. Për këtë është e rëndësishme që perspektiva e anëtarësimit të Shqipërisë dhe Maqedonisë së Veriut të bëhet shumë, shumë e qartë. Kjo është arsyeja pse unë dua që ky proces më në fund të fillojë dhe të çelen negociatat. Kam shumë shpresë se kjo do të jetë e mundur pas zgjedhjeve në Francë dhe mendoj se është e domosdoshme. Kam përshtypjen se ka filluar të kuptohet edhe në BE se rajoni dhe Europa do të bëhen më të qëndrueshme dhe më të forta, nëse Shqipëria dhe Maqedonia e Veriut anëtarësohen në Bashkimin Evropian.
Vitin e kaluar, fillimi i bisedimeve për anëtarësim me këto vende dështoi jo më për shkak të Francës, porpër shkak të Bullgarisë. Të paktën ky ishte shpjegimi zyrtar. Së fundmi, kryeministri i Shqipërisë njoftoi se do të aplikonte për të ashtuquajturin "decoupling”, pra, shkëputjen nga Maqedonia e Veriut. A do te ishte e mundur kjo?
E mundur është, por pyetja është se sa kuptim ka. Kur Shqipëria u nda nga bisedimet me Malin e Zi në atë kohë, kjo nuk pati efekt të mirë. Në Bullgari tani kemi një qeveri të re dhe jam optimist se kjo qeveri do të arrijë ta heqë veton.
Cilat janë argumentet tuaja që flasin për një përshpejtim të procesit?
Së pari, disponimi i fortë pro-evropian që mbizotëron në këto vende flet në favor të tyre. Pastaj, është mirë për vetë vendet nëse vazhdojnë me reformat dhe përparojnë me integrimin në Bashkimin Evropian.
Dhe së dyti, është në të mirë të Bashkimit Evropian, sidomos tani përballë sfidave për t'u zgjeruar dhe për të anëtarësuar vende të tjera, se vende si Shqipëria dhe Maqedonia e Veriut kanë shumë për të ofruar: kanë njerëz interesantë, kanë një rajon me potencial tejet të madh, për shembull në sektorin e energjive të rinovueshme, dhe kësisoj është një situatë win-win për të gjitha palët.
Tani edhe Ukraina po kërkon të hyjë në BE. A ka gjasa që Ukraina, ose një vend tjetër më i rrezikuar nga lufta, të anëtarësohet në BE përpara vendeve të Ballkanit Perëndimor që kanë statusin e kandidatit?
Nuk mendoj se kjo është e gjasshme. Por në funksion të luftës shfarosëse në Ukrainë, na duhet të kujdesemi shumë edhe për Ukrainën dhe të mos harrojmë Moldavinë dhe Gjeorgjinë. Sfidat janë të mëdha. Por besoj se mund të zotërohen, nëse BE-ja qëndron e bashkuar, nëse BE-ja nuk mendon vetëm për anëtarët e BE-së, por edhe për shtetet evropiane dhe Shqipëria është padyshim një prej tyre.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Me kete korrupsion dhe hakdutllik qe po ben rilindja kurren e kurres. Nqs ka vend dhe km me te korruptuar bota eshte ky vend qe turqit e quajne Arnavutluk. Evropes karolike nuk i duhen gjon turqit e rames.
Dukesh qe ke punuar ullinj ke greku , po gruan ta ruante efendikoja? Rrac e poshter, vetem vrer nxirrni nga goja. I keni fobi turqit dhe i cani trapin shqiptarve.
Ja o gjermani,sa te fitojne LePinia ne France te shohim.Ta zene se fiton dhe thote Jo per shqiperine,cdo te besh ti ,gjermani?a do dalesh nga Europa ne shenje proteste?Ka nje rruge efikase ,rruga ukrainase.Pastaj te vjen Fenda e Lajes drejte e ne tirane Dhe te jep pyetesorin per hapjen e bisedimeve.Dhe pas 50 cjetesh,hop shqiperia ne BE.Por nje pyetje kam:-a do te ekzistojne BE pas 50 vjetesh?Jo per gje,por,Nese Jo, do te mblidhet nje konferencen ambasadoresh per kufijte e shqiperise dhe ballkanit.Dhe historia dhe histeria perseritet.
Ky na i mbushi mendjen tani, pas ngjarjeve te Ukrahines , Gjermania te duket se eshte bishti i tellallit dhe leshon ndonje caske per te tumosur qe te duket se eshte gjalle....