Te fundit
A ikën terroristët serbë me negociata? Ja si përgjigjet ministri i Brendshëm i Kosovës!
1 Tetor 2023, 19:50Rajoni
TEMA
Ministri i Punëve të Brendshme të Kosovës, Xhelal Sveçla ka mbajtur një konferencë të jashtëzakonshme për media ku ka zbuluar dëshmi të reja të cilat faktojnë se Serbia ka organizuar sulmin e 24 shtatorit në veri.
Sveçla, tha se vendi i tij ka mbledhur prova që dëshmojnë se Serbia u përpoq ta aneksojë veriun e Kosovës dhe se sulmuesit u përgatitën në bazat ushtarake të ushtrisë serbe brenda Serbisë.
Policia e Kosovës u sulmua nga një grup prej rreth 30 personave të armatosur dhe maskuar në fshatin Banjskë, në komunën e Zveçanit më 24 shtator, ku mbeti i vrarë rreshteri Afrim Bunjaku.
I pyetur se si autorët mundën të iknin, Sveçla dhe Hoxha mohuan se me ta kishte pasur negociata.
“Abolutisht nuk kishte kurrëfarë negocimi. Tërheqja e tyre është bërë edhe për shkak të terrenit jashtëzakonisht të rëndë”, tha Sveçla duke shtuar se në atë zonë ka “male të larta me shumë vegjetacion” dhe se “kjo ua ka mundësuar tërheqjen si edhe përgatitja e tyre ushtarake…”.
Edhe drejtori i Policisë, Gazmend Hoxha, tha se për tërheqjen e tyre nuk kishte “asnjë komunikim”. “Asnjë komunikim dhe asnjë tentativë s’ka pasur për t’i krijuar dikujt korridor me u tërheq”, – tha Hoxha.
Sveçla u pyet edhe për vilën e Milan Radoiçiqit, organizatorit të grupit terrorist që sulmoi Kosovën. Ai tha se ka propozuar që ajo të shndërrohet në stacion të Policisë. Sveçla tha në një konferencë për media se vila e Radoiçiqit në skaj të liqenit të Ujmanit është e ndërtuar në tokën e Agjencisë Pyjore të Kosovës.
“Kompleksi superluksoz i Milan Radoiçiqit është i ndërtuar në tokën e Agjencisë Pyjore të Kosovës. Po ashtu ‘bypass’i i tunelit në afërsi është i uzurpuar nga ky kompleks, nga Milan Radoiçiq. Ky ‘bypass është infrastrukturë kritike”, tha Sveçla.
Sveçla tha se po e diskuton me ministrin e Bujqësisë, Faton Peci që kjo pronë t’i kalohet Ministrisë së Punëve të Brendshme “dhe pastaj të shfrytëzohet nga Policia e Kosovës për stacion për njësitin e barkave në Departamentin e Kufirit”.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
100 % u negociua mos degjoni mashtruesit e Vetfundosjes bile edhe paisjet tip dron ishin te KFOR nuk kane asgje morracaket vecse te shesin pordhe ...
po mire o po ju sikur folet ne fillim per nje rrethim te terroristeve ne monastiraqi. Me sa mbaj mend une, ne gjuhen shqipe “rrethim” do te thite qe nuk ke nga ja mban. Nga keta tani cane ferren e u terhoqen ne serbi ?
Hahaha. Çfarë teren i jashtë zakonisht i rëndë or toç? Ata dolën me autoblindat e tyre si kur nuk po ndodhte asgjë.