Te fundit
BE kërkon zbatim urgjent të marrëveshjes së Brukselit dhe Aneksit të Ohrit
25 Gusht 2024, 20:31Rajoni
TEMA
Bashkimi Evropian ka bërë të qartë se kërkon nga Kosova dhe Serbia që urgjentisht të fillojnë zbatimin e marrëveshjës së Brukselit dhe Aneksit të Ohrit, këtë Peter Stano zëdhënësi i këtij institucioni e ka thënë për RTV Dukagjinin.
Ndërkohë liderët e shtetit të Kosovës para pak ditësh thanë që Serbia është ajo që ka hequr dorë nga kjo marrëveshje, ndërkaq njohësit e zhvillimeve poltike në vend thotë se mos respektimi i kësaj marrëveshje bllokon rrugën integruese të Kosovës.
“Serbia duhet të kthehet te marrëveshja, ta respektoj atë në mënyrë që ta zbatojmë,” tha kryeministri, Albin Kurti për Zërin e Amerikës.
Thuajse njëjtë sikur kjo kërkesë e kryeministrit kosovar, Albin Kurti por edhe atë të ditëve më parë të presidents Vjosa Osmani, edhe Bashkimi Evropian ka kërkuar zbatim të marrëveshjeve të arritura sin ë Bruksel ashtu edhe atë në Ohër.
Veçse BE-ja nuk përjashton asnjërën palë. Sipas Brukselit zyrtar si Kosova edhe Serbia duhet urgjentisht të nisin zbatimin e aneksit të arritur në Ohër të Maqedonisë dhe ato të arritura në Bruksel.
“Qëndrimi i BE-së për zbatimin e Marrëveshjes së Ohrit është shumë i qartë, i është komunikuar të gjithë të përfshirëve në disa raste dhe nuk ka ndryshuar: duhet urgjentisht të fillohet me zbatimin e kësaj Marrëveshjeje dhe aneksit të saj. Progresi në këtë drejtim është i lidhur ngushtë me progresin në rrugën e anëtarësimit në BE të Kosovës dhe Serbisë,” deklaroi Zëdhënësi i BE-së, Peter Stano.
Ndërkaq, analisti politik Afrim Kasolli thotë mos zbatimi i kësaj marrëveshje, mbanë peng Kosovën.
“Që nga dështimi për të u anëtarësuar në Këshillin e Europës, është e qartë se Kosova mbetet peng i agjendes euro integruese, pa zbatuar deytimiet dhe obligimet që dalin nga marrëveshja e dhe aneksi i zbatimit në Oher,” tha Kasolli.
Ndërkaq, sipas ish-diplomati Blerim Canaj presioni për implementimin e kësaj marrëveshje do të rritet, për të dyja vendet.
“Normalisht, presion do të ketë sepse tek e fundit marrëveshja është më shume me BE-në sesa ne me Serbinë, sepse në marrëveshjen e bëmë dhe implemetimi bëhet duhet nga ta,” tha Canaj.
Dokumenti i njohur si Marrëveshja Bazë, u kërkon palëve të zhvillojnë marrëdhënie normale të fqinjësisë së mire, dy palëve u kërkohet ta respektojnë integritetin dhe sovranitetin territorial të njëra-tjetrës, palëve u kërkohet që t’ia njohin njëra-tjetrës dokumentet relevante dhe simbolet kombëtare, përfshirë pasaportat, diplomat, targat e automjeteve dhe vulat doganore që për autoritetet në Kosovë, kjo pikë nënkupton që Serbia e njeh de facto shtetësinë e Kosovës.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
BE te mos perserit vehten qe te tallet mileti me te, futi nje nongrata Kurtit, dhe po vazhduan dardanet te shkojne si dele pas Kurtit, bjer dakord me USA tia bashkoni Kosoven Shqiperise, keshtu te gjithe se bashku e bejme na VV properendimore, jina vllazen, dhe do ta cojme klanin rus te VV poshe ballkonit te saliut, e keshtu ata do mpaken deri ne shkrirje.
Qendrimi i njejte si i Kosoves ashtu dhe Serbise per marreveshjen tregon se si Vuciqi ashtu dhe Kurti punojne me te njejten platforme qe nuk eshte hartuar nga Perendimi. Ne thelb ky qendrim i njejte tregon se Albini dhe Vuciqi bashkepunojne nepermjet kanaleve sekret.
Bravo, shkurt e sakte.
Pse i jepni kaq shume renci BE-se nuk i pjerdh njeri. Kosovo ska asnje detyrim dhe seuhet te ndjeki urdherat e tyre se so futen ne borxhe kot. Albini te skelli kompani kineze po pati kellqe.