Te fundit
Deputeti shqiptar në Kuvendin serb: Serbia është zjarrvënësi në Ballkan, vetëm SHBA mund t’ja ndërpresë aventurën
25 Dhjetor 2022, 10:13Rajoni
TEMA
Deputeti shqiptar në Parlamentin e Serbisë, Shaip Kamberi deklaron se situata në veri të Kosovës tregon për ndërhyrjen e vrazhdë të Beogradit te serbët lokal.
Ai thekson se kërkesa e Aleksandër Vuçiçit për kthimin e forcave të sigurisë serbe në Kosovë, është e pamundur të ndodhë. Sipas tij, presidenti i Serbisë këtë po e shfrytëzon për politikë të brendshme dhe nuk ka gjasa të aprovohet.
Kryetari i PVD-së, në intervistën për KosovaPress, thotë se Serbia është zjarrvënësi në gjithë Ballkanin dhe këtë aventurë duhet ta ndërpresin Shtetet e Bashkuara të Amerikës.
Përfaqësuesi i vetëm shqiptar në Parlamentin e Serbisë, thotë se ky shtet për çdo ditë paraqitet me dy koncepte të ndryshme që kundërshtojnë njëra-tjetrin.
“Ajo çfarë po ndodhë në veri të vendit, më mirë se asnjëherë deri më tash po dëshmon ndërhyrjen e Serbisë nga jashtë. Është pozitive në këtë kaos që po bëhet atje, të shihet fakti se përfundimisht ka serbë lokal të cilët po flasin me zë hapur për një ndërhyrje të vrazhdë të Beogradit dhe për një mafi politike, e cila po i terrorizon edhe vet serbët atje.
Një mafi politike përmes së cilës po tentohet të destabilizohet Kosova, të destabilizohet rajoni në tërësi. Pra, kjo është inkurajuese dhe Prishtina duhet të përdor këto mekanizma.
Duhet të përdor ata serbë të cilët vërtetë janë të interesuar që të jenë të integruar në Republikën e Kosovës, të jenë qytetarë të barabartë dhe të kenë të drejta dhe natyrisht komunikimi i drejtpërdrejt me bashkësinë ndërkombëtare, sidomos me Shtetet e Bashkuara të Amerikës që t’i vihet fundi dhe kapaku kësaj çështje”, deklaron Kamberi për KosovaPress.
Presidenti i Serbisë, Aleksandër Vuçiq para disa ditëve ka dorëzuar kërkesën ndaj KFOR-it për kthimin e forcave serbe të sigurisë serbe në territorin e Kosovës. Për çka Kamberi deklaron se është bërë për politikë të brendshme dhe për të qetësuar popullatën në veri.
Sipas tij, nëse Serbisë i lejohet që të dërgojë 500 forca serbe, do të duhet një dyfish për të ruajtur të njëjtit.
“Ai edhe kur e tha kërkesën, edhe kur e shprehu publikisht se Serbia do ta ketë kërkesën për kthimin e personelit të saj, ai e thotë ushtrisë, por në fakt rezoluta 1244 flet për personelin e Serbisë në Kosovë, në fund e tha një fjali ‘se nuk besoj se do të kalojë’.
Gjithë këtë kërkesë e ka për agjendën e brendshme, për politikën e brendshme të cilën po e ndërton atje, për të ruajtur pushtetin e vet. As ai vet nuk është i bindur se kjo mund të ndodhë, sidomos jo në rrethana të këtilla.
Rrethana në të cilat në veri të Kosovës kemi një destabilizim të situatës, ku Serbia shihet si një armik ku nga vet serbët, një pjesë e madhe e serbëve atje nuk po përjetojnë më si një shtet, i cili i mbron të drejtat e veta, por një shtet që po i fut frikën atyre. Pra nuk besoj se kjo është reale dhe nuk ka asnjë gjasë që kjo mund të ndodhë”, thekson Kamberi.
Kryetari i Partisë për Veprim Demokratik shton se situatën në veri mund ta zgjidhin vetëm Shtetet e Bashkuara të Amerikës.
“Serbia është zjarrvënësi në gjithë Ballkanin. Ajo çdo mëngjes ndez zjarre, në mbrëmje fton të gjithë mandej për t’i shuar zjarret. Brenda një dite luan rolin e zjarrvënësit dhe zjarrfikësit.
Pra, një koncept politikë që duhet ndërprerë dhe fuqinë për të ndërprerë këtë aventurë të Serbisë, mendoj se e kanë vetëm Shtetet e Bashkuara të Amerikës, sepse Bashkimi Evropian me krizën e vet identitare që e ka sot, me ndërskamcat e brendshme, me drejtën e Veto-s, qoftë edhe të Hungarisë apo Sllovakisë apo cilit do shtet tjetër, po e pamundëson vetveten që të jetë një faktor i cili mund të sjell paqe në ballkan”, përfundon Kamberi.
Serbët lokal në pikat kufitare në veri tash e dy javë kanë vendosur barrikada, për të kundërshtuar arrestimin e ish-zyrtarit të Policisë së Kosovës, Dejan Pantiq.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Qe vetem ShBA mund ta zgjidhe nyjen e Kosoves e dine te gjithe vetem Albini spiuni Gjermanise nuk do ta kuptoje.
O Shaipo, gjith jemi duke hongër bukë te grytë ( grunit ) bukën e kollomojt ( kollomoç, misër ) e kemi lonë moti kshtu qe lej pallavrat se gjith e dimë qe Vuçiqi te boni deputet. Ti as nje te mirë si deputet nuk i ke sjell shqiptareve te Luginës, i vetmi kontribut i joti oshtë perçarja e spektrit politik ne Preshevë. Se shkiët jonë te tillë çfar thua ti oshtë e ditme hon e donë por ama per interesta e veta dhe hallall ju koftë ashtu luftohet per interesat e kombit dhe jo si ju politikanët tonë qe vetëm nje keni ne krye; interesin personal dhe domtimin e kombit. Se shqiptarët e Luginës jonë populli me i dikriminur ne Europë nuk ka fjalë deri sa edhe shlyhen nga regjitrat civilë amo për ketë diskriminim meritat me të mdha i kan pikerishtë vetë shqiptarët, shqiptarët e punesuar ne administratën shteterore te cilet zhvatin popullin ne leshimin e dokumentacioneve si: legalizim, vendbanim, etj. Shqiptaret pikerishte nga shqiptaret shlyhen prej regjistrave civile dhe pikerishtë nga ta duhet te verifikohet vendbanimi e qe qellimshëm shikanohen nga ta duke mos u kryer ne afat 3-4 ditesh por duke pritur qe ata te marin rrugen per gurbet ku edhe jetojnë dhe mandej u mohohet vendbanimi se ne momentin e verifikimit nuk ishi ne vendbanim dhe mandej atyre u merren deri nga 1500 Euro per nje verifiki te vendbanimit, zhvatessit kanë emer e mbimër Shaipo dhe ti e din shumë mirë, kete temë ta rrahësh, kjo eshte puna jote dhe jo te tregosh se kush oshtë Serbia se ata e dine vete e edhe Bota e di dhe nuk oshtë punë e jotja dhe as nuk ki koçe per ketë punë, ka kush e drejtonë kete punë e nese ata nuk munden ti me siguri se edhe ma hiç. BILE KET PUNEN E ADRESAVE MERO NESE TE BIE NE SY DHE KI KELLÇE MUND TE DALESH DHE PAK TA SNSIBILIZOSH, SE SHQIPTARET E NDERSHEM JANË KA E BOJNË E JO SHKIËT.
Nje koment kaq destruktiv. Ku te pikon qatoja o ti qe shkruan shqip. Nuk i zgjedh te gjitha nje deputey. Po ju si popull behuni ke te vetdijshem e mos i shitni shpijay e me u shperngul ne Fushe Kosove e gjithkah ne Kosove. Po patet byth qendroni atje. Deputeti ka ngrit qehtjen e cregjitrimeve dhe te problemeve tjeta te ligines kudo qe ka qene e nevojshme. Nuk e beri Vicici deputet por votat e popullit e Vicici nuk pat kah e iq nanen e vet sepse gjithe bota e kuptonte se ai mundohej indirekt ta pengonte...por nuk kish qoje Vicici me pengu drejtepersedrejti...se OSBE e dine tere ate loje te shkjaut por edhe gjendjen e mundesit e botuesve bashk me presionin e obstruksionet e shkieve atje. Qendroni me vatrat tuaja shekullore e mos hiqni dore per dy lek.
Zoteri Shaip Kamberi eshte shembull brilant se si duhet te perfaqesohen interesat kombetare. Jete te gjate e shendet ne punen tuaj te vueshme zoteri Shaip Kamberi.