Dështimi i takimit Kurti-Vuçiç, qeveria e Kosovës: Serbia ka për qëllim sabotimin e procesit të dialogut

Kryeministri i Kosovës, Albin Kurti dhe presidenti i Serbisë Aleksandar Vuçiç pritej të takoheshin sot  në Bruksel, në kuadër të dialogut, mirëpo ky takim nuk ndodhi.

Zëvendëskryeministri Besnik Bislimi dje gjatë raportimit në Komisionin për Integrimeve Evropiane bëri të ditur se ka dështuar aranzhimi i këtij takimi, duke thënë se presidenti Vuçiç nuk ka treguar gatishmëri për takim.

Kështu është shprehur zëdhënësi i qeverisë, Përparim Kryeziu përmes një përgjigje me shkrim për Telegrafin.

“Kryeministri Kurti ka shprehur gatishmërinë për një takim të niveli të lartë politik sikurse ka shprehur gatishmërinë që ai të mbahet gjatë këtij muaji. Madje zëvendëskryeministri Bislimi gjatë javës së kaluar ka qëndruar në Bruksel që të përgatitet terreni për një takim në nivel të krerëve të shteti.

Ky takim ka dështuar për shkak të mosgatishmërisë nga ana e Serbisë për një takim të tillë, e shprehur kjo në njërën anë përmes presioneve për ndryshimin e agjendës së takimit trilateral në nivel kryenegociatorësh dhe në anën tjetër arsyetimit se takimi nuk mund të mbahet shkaku i vizitës së President të Egjiptit në Serbi”, ka thënë Kryeziu.

Ai ka shtuar se këto veprime të Serbisë kanë qëllim sabotimin e procesit të dialogut.

“Këto veprime të Serbisë janë në vazhdën e veprimeve që qëllim kanë sabotimin e procesit të dialogut. Ndërkaq që kryeministri Kurti përveç gatishmërisë për takime, ai tashmë ka shprehur edhe gatishmërinë dhe interesimin që sa më parë të fillojnë diskutimet për marrëveshjen gjithëpërfshirëse.”

Telegrafi ka dërguar pyetje edhe në Bashkimin Evropian për të parë se kur mund të ketë ndonjë takim tjetër të radhës, dhe si e shohin dështimin e takimit të paralajmëruar për sot.

Bartësit e dialogut, kryeministri i Kosovës, Albin Kurti, dhe presidenti i Serbisë, Aleksandar Vuçiç, nuk janë takuar në Bruksel që nga korriku i vitit 2021. Deri më tani, ata kanë zhvilluar vetëm dy takime dhe që të dyja nuk kanë sjellë ndonjë rezultat konkret.

Kujtojmë se procesi i dialogut mes Kosovës dhe Serbisë ka nisur qysh në vitin 2011, me ndërmjetësimin e Bashkimit Evropian dhe mbështetjen e Shteteve të Bashkuara.

Pas dënimit me burg dhe arratisjes në Hungari, vjen një tjetër “goditje” për Nikolla Gruevskin

17:35 Rajoni

Trafiku i refugjatëve në Ballkanin Perëndimor: Shtohet kalimi tranzit në Shqipëri

16:59 Rajoni 1 koment

Hapja e negociatave, ministri i Jashtëm ukrainas uron Shqipërinë dhe RMV: E merituar, BE dëshmoi se ka muskuj për të udhëhequr

16:24 Rajoni

Çfarë ndodh me hapjen e negociatave? Sa zgjat anëtarësimi në BE dhe cilat janë pengesat

16:00 Rajoni

Ndikimi i Rusisë në Ballkan po rritet pikërisht kur po cenohet paqja e brishtë e rajonit

15:27 Rajoni

Serbia njofton blerjen e gazit nga Hungaria

15:16 Rajoni

Varhelyi: Të përkushtuar për të sjellë të gjithë rajonin në BE! Sot po bëjmë një hap të madh drejt këtij angazhimi

10:33 Rajoni 2 komente

Kovaçevski: Jemi gati për BE-në, ky ka qenë qëllimi ynë për shumë vite

10:10 Rajoni 2 komente

Greqia blen 20 avionë F-35 nga SHBA

22:25 Rajoni 11 komente

Rekord turistësh në ishujt grekë të Egjeut

21:20 Rajoni 6 komente