Te fundit
Ekzekutimi i shqiptarit dhe grekut në kamping - Vetëdorëzohet i riu: Pronari i kampingut abuzoi me mua
14 Tetor 2025, 11:36Rajoni
TEMA
Një 22-vjeçar u arrestua si bashkëpunëtor në vrasjen e dyfishtë në një kamping në Finikounda që ndodhi të dielën, më 5 tetor. Viktima ishin pronari grek dhe i besuari i tij, një shtetas shqiptar.
Mëngjesin e sotëm, i riu i shoqëruar bashkë me avokatin e tij, u paraqit në polici për t’u dorëzuar, shkruajnë mediat greke. Fillimisht, burimet policore raportuan se ai ishte një i afërm i pronarit të kampingut që u vra.
Megjithatë, sipas informacioneve, ai nuk është një i afërm, por një i ri që po udhëtonte me motoçikletën e autorit të krimit dhe, siç i tha ai policisë, do të zbulojë autorin. I riu dyshohet gjithashtu se i tha policisë se viktima (pronari i kampingut) e kishte abuzuar seksualisht në verën e vitit 2022.
Kujtojmë se autori i vrasjes së dyfishtë në kampingun e Finikounda është ende në arrati. Megjithëse autoritetet kanë hartuar rrugën e tij të arratisjes me motoçikletë përmes dhjetëra pikave përgjatë rrugës së tij – nga Mesinia në Athinë – ai mbetet i zhdukur, pasi deri më tani nuk është gjetur.
Megjithatë, policia ka qenë duke shqyrtuar prej ditësh mundësinë që autori të ketë pasur një bashkëpunëtor.
Vrasja ndodhi mbrëmjen e 5 tetorit në një kamping në Finikounda, kur autori, pasi kishte mbuluar fytyrën, hyri me forcë në recepsionin ku ndodhej pronari 68-vjeçar me kujdestarin e tij 60-vjeçar dhe mikun e tij të vjetër. Autori qëlloi me armë pronarin, duke e vrarë në vend, dhe më pas ekzekutoi edhe mikun e tij shqiptar, i cili tentoi të largohej. Në vrasjen e dyfishtë ishte i pranishëm edhe nipi i pronarit, i cili arriti të arratisej.
Më të lexuarat
24 oret e fundit
Javen e fundit
Blog Tema
Lini një Përgjigje