Flet babai i Dritan Goxhajt: Është i qetë, i bindur që nuk do ekstradohet

23 Shtator 2023, 16:41Rajoni TEMA

Flet babai i Dritan Goxhajt: Është i qetë, i bindur që nuk

Ish-gjenerali Dilaver Goxhaj, ka folur në lidhje me arrestimin e djalit të tij, Dritan Goxhaj, me urdhër të Gjykatës Speciale në Kosovë.

Dilaver Goxhaj zbuloi se i biri është i qetë në ambientet e burgut pasi është krenar për pjesëmarrjen e tij në luftën në Kosovë.

Pavarësisht se Gjykata e Tiranës pranoi ekstradimin e Goxhaj për llogari të Speciales në Hagë, babai i tij u shpreh i bindur se hallkat e tjera të gjyqësorit në Shqipëri do ta rrëzojnë këtë vendim.

Ai shtoi se i biri ka bërë një luftë të drejtë dhe po dënohet vetëm për fjalën e lirë.

“Dritani është i qetë për arsye se është krenar që ka marrë pjesë në dy luftëra shqiptare në Ballkan nga tre luftëra që janë bërë.

Nuk ka bërë asnjë lloj krimi, dënohet thjesht për fjalën e lirë dhe nuk është aspak i shqetësuar. Është shumë mirë dhe i bindur që nuk ka për t’i ekstraduar. I bindur se drejtësia shqiptare do të jetë drejtësi demokratike”, tha ai në Euronews Albania. 

Gjithashtu Dilaver Goxhaj, u ndal dhe te puan e Gjykatës Speciale, ngritjen e të cilës e cilësoi si një marrëzi.

Sipas tij nuk mund të cilësohet në asnjë mënyrë që Ushtria Çlirimtare e Kosovës ishte një organizatë terroriste, pasi ajo ishte një ushtri me të gjitha standardet, e cila u quajt nga NATO si këmbësori e aleancës.

2 Komente

  1. K
    Kozmo

    I Uroj Dritan Goxhaj, te dale sa me pare nga Burgosja e tij e padrejte. Ky eshte nje Skandal nga me te medhenjte qe kam degjuar. Vetem ne kohen e Diktaturen se Enver Hoxhes ndodhin keto burgime.

    1. G
      Garda Pretoriane (ajo e Skenderbeut)

      Dritani dekonspiroi disa emra te deshmitareve te mbrojtur, prandaj do te perballet me ligjin.

    Lini një Përgjigje