Te fundit
Flet Vjosa Osmani: Dhuna në Kuvend, dëmi më i madh që mund t’i bëhet institucioneve
13 Korrik 2023, 15:50Rajoni
TEMA
Presidentja e Kosovës, Vjosa Osmani ka reaguar pas dhunës që ndodhi sot në seancën plenare mes deputetëve të PDK-së dhe kabinetit qeveritar në Kuvend.
Osmani shprehet se dhuna në Kuvend është dëmi më i madh që mund t’i bëhet institucioneve të Kosovës, të ndërtuara me shumë mund e sakrificë.
“Përdorimi i dhunës fizike si mjet për t’i adresuar pakënaqësitë, dallimet apo mosmarrëveshjet politike është dëmi më i madh që mund t’i bëhet institucioneve që janë ndërtuar me aq shumë mund e sakrificë. Kuvendi është gurthemeli i shoqërisë sonë demokratike, ku zëra të ndryshëm bashkohen për t’i përfaqësuar interesat e qytetarëve, ndaj dhuna nuk ka vend në tempullin e demokracisë dhe nuk mund të shndërrohet në mjet politik”, ka thënë ajo përmes një reagimi.
Osmani ka apeluar përkushimit ndaj demokracisë, pranimit të mendimit ndryshe, sikurse edhe respektit të ndërsjellë, duke u mbështetur në sundimin dhe respektimin e ligjit.
Deputetët e Partisë Demokratike të Kosovës (PDK) kanë sulmuar fizikisht kryeministrin e Albin Kurti dhe pjesëtarë tjerë të qeverisë. Kurti ishte duke folur për situatën në veri të Kosovës, kur fjalimi i tij u ndërpre nga deputetët e opozitës që brohorisnin “rrenc”. Fillimisht, në drejtim të zëvendëskryeministrit Besnik Bislimi u hodh ujë nga deputeti Mërgim Lushtaku, pasi Bislimi largoi dhe grisi nga foltorja një foto-montazhë të kryeministrit me hundë të zgjatur që opozita ia kishte vendosur aty.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
OJ Osmank - helaqe - mashtuese, ti je kreatore bashkë Kurtin - VV dhe partiçkën Guxo për dhunën dhe gjendjen të mjerueshme në Kosovë. Do të vije koha kur para drejtësisë do të japësh përgjegjësi për ketë që po thua dhe po benë.