Gjykata Speciale e liron me kusht ish-kryetarin e Malishevës

Ish-kryetari i Malishevës, Isni Kilaj, është liruar nga Dhomat e Specializuara të Kosovës në Hagë, pasi gjykatësi vendosi se mbajtja e tij në paraburgim nën akuzat për pengim të drejtësisë nuk ishte “as e arsyeshme, as proporcionale”.

Gjykata Speciale njoftoi të mërkurën se gjykatësi erdhi në përfundim se e drejta themelore e Kilajt për lirim peshon më shumë sesa rreziku që ai të ketë ndikim në procesin e drejtësisë në gjyqin ndaj ish-krerëve të Ushtrisë Çlirimtare të Kosovës, i cili është buzë përfundimit.

Kilaj së bashku me ish-presidentin e Kosovës, Hashim Thaçi, ish-ministrin e Drejtësisë, Hajredin Kuçi, ish-shefin e Agjencisë së Kosovës për Inteligjencë, Bashkim Smakaj dhe Fadil Fazliun – akuzohen për pengim të drejtësisë në rastin kundër Thaçit, Kadri Veselit, Jakup Krasniqit dhe Rexhep Selimit.

Gjykimi ndaj tyre do të nisë më 24 shkurt.

Kilaj u arrestua dhjetorin e kaluar dhe prej atëherë është mbajtur në paraburgim në qytetin holandez.

Ai është deklaruar i pafajshëm për këto akuza.

Gjykatësi tha në vendimin e tij se rrethanat kanë ndryshuar që prej rishikimit të paraburgimit të Kilajt në tetor dhe se mbajtja e tij në paraburgim nuk ishte më e arsyeshme.

Gjykatësi gjithashtu mori parasysh se koha që Kilaj e ka kaluar në paraburgim tani e tejkalon dënimin minimal sipas ligjit me të cilin ai do të përballej në qoftë se do të shpallej fajtor për veprat penale për të cilat është akuzuar, sipas njoftimit.

“Nuk është paraqitur asnjë provë që tregon se Kilaj ishte orvatur të pengonte procesin gjatë periudhës së lirimit të tij të mëparshëm me kushte në vitin 2024; se ka përfunduar paraqitja e provave në çështjen Hashim Thaçit, Kadri Veselit, Rexhep Selimit dhe Jakup Krasniqit dhe se rreziku që Kilaj mund të ndikojë në dëshmitarët e prokurorisë në Çështjen 12 është shumë i ulët duke marrë parasysh rrethanat e tyre specifike”, thuhet në njoftim.

Nisin negociatat për një marrëveshje dypalëshe mes SHBA-së dhe Malit të Zi

14:45 Rajoni 2 komente

Analiza: A mund t’i tregojë Serbia BE-së se i ka seriozisht reformat?

12:21 Rajoni 1 koment

Ushtarët turq patrullojnë përgjatë kufirit Kosovë – Serbi

22:50 Rajoni 3 komente

Projekti i mbështetur nga Kina për ndërtimin e urës në Beograd nxit kritika për fshehje të kontratave

21:15 Rajoni

Vuçiç: Do t'i kërkoj BE-së të na pranojë të gjitha vendeve ballkanike njëkohësisht, të na mirëpresin pa kufij mes nesh

19:02 Rajoni 33 komente

Sulmi në kanalin e Ibër - Lepenc, Prokuroria e Kosovës ngre aktakuzë ndaj tre personave

13:50 Rajoni 1 koment

Osmani: Vazhdimi i masave të BE-së ndaj Kosovës, i pashpjegueshëm dhe i padrejtë

12:26 Rajoni 5 komente

Arrestohen anëtarët e një bande vrasësish me pagesë në Greqi, mes tyre 4 shqiptarë

12:06 Rajoni 5 komente

Karamanlis dhe Venizelos bëhen bashkë kundër Mitsotakis: Ka minuar themelet e demokracisë! Qytetarët janë zhgënjyer

20:50 Rajoni 4 komente

Shmangëm luftën civile, suksesi më i madh i Serbisë më 2025

20:40 Rajoni