Te fundit
Hollanda e prerë për integrimin: Nëse RMV-ja nuk e pranon propozimin francez, Shqipëria të vazhdojë rrugëtimin e vetme
6 Korrik 2022, 11:39Rajoni
TEMA
“Nëse Maqedonia e Veriut nuk e pranon propozimin francez, Shqipëria do të vazhdojë e vetme rrugën e integrimit evropian. Mendoj se është e drejtë, por shpresoj që kjo të mos jetë e nevojshme”.
Kështu deklaroi kryeministri holandez, Mark Rutte, pas takimit me kryeministrin shqiptar Edi Rama, në Holandë.
Mediat holandeze shkruajnë se Rutte shprehu optimizëm se Maqedonia e Veriut do ta pranojë propozimin dhe nuk do të ketë nevojë që të dy vendet të ndahen në rrugën e tyre drejt BE-së.
“Gjatë samitit BE-Ballkani Perëndimor në Bruksel, Bashkimi Evropian konfirmoi angazhimin e tij. Për sa i përket vërejtjes së Edi Ramës më pas, mendoj se ai kishte të drejtë – takimi nuk ishte një sukses”, tha ai.
Sipas kryeministrit holandez, vendet e Ballkanit Perëndimor, përfshirë edhe Shqipërinë, po punojnë fort për t’u anëtarësuar në BE.
“Këtu problemi është Maqedonia e Veriut dhe, falë përpjekjeve të Francës, ka një moment të ri në procesin e anëtarësimit që prek edhe Shqipërinë, kështu që të dy vendet, të paktën politikisht, janë të lidhura. Ne mbështesim propozimin francez, pasi ofron zgjidhje për të gjitha shqetësimet e mbetura”, theksoi Rutte.
Gjithashtu, ai ravijëzoi se BE-ja e mbështet Maqedoninë e Veriut në hapat e saj të ardhshëm nëse pranon propozimin francez.
Sipas tij, caktimi i datës për mbledhjen e parë ndërqeveritare do të jetë një shpërblim për qeverinë shqiptare të Edi Ramës dhe për reformat e kryera prej tij.
Nga ana e tij, Edi Rama vlerësoi angazhimin e Holandës dhe falënderoi Mark Rutte për nxitjen e procesit të anëtarësimit në BE.
Të dy kryeministrat mbështetën idenë e krijimit të një komuniteti të ri politik, madje Rutte foli për një nismë shqiptaro-holandeze për të udhëhequr procesin.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Të mos jemi naif nga gënjeshtrat e tyre prej 50 viteve ndaj vëndit tonë duke menduar që tani thonë të vërtetën. Ne kemi kaluar 10 vënde të BE-së me présidence 6 mujore ku na është refuzuar hapja negociatave, duhet të ndëgjojm dënglat dhe të 17 shteteve tjerra në Presidenca 6 mujore që të kuptojm jo të rradhës. Sot nazizmi Gjerman kërkon gëlltitjen e Bashkimit Sovjetik, ne jemi një gotë uji në oqean për të që duke folur për ne të hiqen sikur bëjnë sadaka.
koke rrocke ngele pavaresisht se nderron llagapin
Te dhjefsha mendjen e kalbur. Ti jeton ne mesjete.
Ju lutem çkuptim ka në fjalorin e shqipes, fjala “rajvijëzoi“ Është për të vënë duart në kokë për analfabetizmin e gazetarisë shqiptare. Si më poshtë: “Gjithashtu, ai ravijëzoi se BE-ja e mbështet Maqedoninë e Veriut në hapat e saj të ardhshëm nëse pranon propozimin francez. Fjala ravijëzoi?! është nënvizoi ore të marë.