Te fundit
Kosova, një pavarësi shkruar me sakrificat e të gjithë shqiptarëve!
17 Shkurt 2026, 21:10Rajoni
TEMA
Nga Alban Daci
Kosova në veçanti është trajtuar si çështje, problem e dhimbje e krejt shqiptarisë! Në raport me Kosovën asnjëherë shqiptarët nuk kanë qenë të ndarë as në qëndrim dhe as në veprime!
Kosova është e pavarur, falë kontributit të të gjithë shqiptarisë, që nuk kanë kursyer as sakrificat dhe as flijimin kur kauza e ka kërkuar.
Shqiptarët e Kosovës, praktikisht kanë qenë vazhdimisht në luftë ndaj Serbisë, e cila në çdo kohë është sjellë padrejtësisht me t'a, por kulmi i qëndresës është padyshim lufta dhe qëndresa heroike. Disa e kanë konsideruar gjeneratën e Uçk si më të artën pas asaj të Skënderbeut. Unë, s'jam plotësisht dakord me këtë, sepse Kombi shqiptar ka pasur vazhdimisht burra që permesso penës e qëndresës kanë shkruar faqe të arta në historinë tonë kombëtare
Shqipëria, si shteti amë ka një kontribut të jashtëzakonshëm për pavarësinë e Kosovës. Në kohën e Luftës qindra djem dhe vajza nga Shqipëria, lanë familjet e tyre dhe disa edhe Perëndimin për të shkuar e rënë heroikisht në Kosovë. Nëse do të kërkohej në atë sa shqiptarë do të shkonin në luftë për të mbrojtur Kosovën të gjithë do të thoshin një zëri "Po, jemi gati"!
Për Kosovën, shqiptarët kudo ku janë, kanë që gati. Lufta e Ushtrisë Çlirimtare është një nga faqet më të ndritura të historisë tonë kombëtare. Ata kanë bërë qëndresë heroike përballë një makinerie ushtarake për të mbrojtur oborrin e shtëpisë, familjen, gjakun e të parëve dhe identitetin e tyre shqiptarë.
Rruga e Kosovës ka qenë dhe vazhdon të jetën me plotë sfida si për forcimin e shtetit ashtu edhe për pjesëmarrjen e saj në organizata ndërkombëtare. Megjithatë, kam besimin e plotë se Pavarësia e Kosovës është një proces pa kthim.
Në Kosovë nuk ka komb "kosovar", por ka "Komb Shqiptar", autokton që përbën shumicën dhe minorancë të tjera që janë produkt i historisë së saj në përpjekje të vazhdueshme për të qenë e pavarur. Kush shpik "Komb Kosovar" nuk e ndihmon Kosovën, por e fut në skutat të paqarta në të ardhmen.
Kushdo që mendon se Kosova është tashmë e pavarur dhe nuk ka nevojë më për Shqipërinë apo për faktorin shqiptar kudo ku ndodhet, përsëri nuk i shërben forcimit të saj!
Kosova është edhe produkt pa dyshim i SHBA-ve dhe aleatëve. Prandaj, rruga e Kosovës duhet të jetë NATO dhe anëtarësim në BE! Kush nuk e mendon kështu nuk i shërben pavarësisë së Kosovës!
Kosova feston me krenari pavarësinë e saj të 18-të dhe e pret një ardhmen me plot sfida, por padyshim dinjitoze ashtu si vetë historia jonë kombëtare që nuk ka qenë aspak e lehtë, por e mbushur me plotë sakrifica.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Armiku ,te gjitha veprimet e veta ,i pregadit me mjeshtri te madhe,Zyrat e ketyre intrigave ndodhen ne moske dhe beograd,athine dhe..Jane metoda qe ndikojne ne psiqiken e njerezve,qe ne duhet ti kuptojme si veprime percarese.Qe shqiptaret jane nje Komb kete e shohim nga faqet e historise ,ne 118000 kilometrave katerore.....Edhe sot ka kolaboracionalist edhe sot ka te shitur tek sllavi,por eshte nje metode sa qesharake aq edhe perbuzese.Ne nuk jemi as toske as gege as verior dhe as jugor,por jemi nje trup i vetem qe e perbejme Kombin tone shqipetar...Kete ide qe e hedhin armiqet tane,e bejne te vetedishem se dicka do "ndizet" .Eshte e kote ne jemi bijt e atyre qe ne shekuj e kane ditur se cili eshte Kombi dhe cili eshte Atdheu...Mir behet qe edhe ne kete grup njerezish,intelektual .te shkruhet dhe lexohet se jemi vetem SHQIPETAR me nje gjuhe me nje Atdhe dhe nje Flamur..Armiku e perdor metoden e percarjes per interesat e veta,por logjika e kombit tone duhet ti reagoj si nje urragan....Flamur Struga