Te fundit
Kryeministri hungarez, Magyar: BE-ja rrezikon besueshmërinë nëse lë pas Ballkanin Perëndimor
22 Maj 2026, 23:10Rajoni
TEMA
Kryeministri i ri i Hungarisë, Péter Magyar, ka deklaruar se Bashkimi Evropian duhet të pranojë më parë vendet kandidate të Ballkanit Perëndimor sesa Ukrainën, përndryshe rrezikon të humbasë besueshmërinë në rajon.
“Sa i përket anëtarësimit në BE, dua t’i inkurajoj vendet evropiane që, përpara se të tjerëve t’u premtohet ndonjë status, së pari t’i lejojnë në BE ata kandidatë që janë përgatitur për shumë vite, që kanë hequr dorë nga shumë gjëra, kanë bërë shumë angazhime dhe kanë marrë shumë premtime”, tha Magyar në një intervistë për agjencinë austriake APA, të raportuar nga N1 Serbia.
Ai paralajmëroi se nëse BE-ja nuk vepron në këtë mënyrë, mund të humbasë besueshmërinë në vendet e Ballkanit Perëndimor:
“Ne e dimë se stabiliteti dhe siguria e Ballkanit nuk është vetëm në interes të Ballkanit, por edhe të Evropës. Kjo është arsyeja pse dua t’i inkurajoj të gjithë që së pari të përmbushin atë që premtuam më parë, përpara se të bëhen premtime të ndryshme në emër të Bashkimit Evropian.”
Magyar, i cili më 21 maj zhvilloi vizitën e tij të parë si Kryeministër në Austri, u pyet edhe për mundësinë e një referendumi në Hungari mbi pranimin e Ukrainës në BE. Ai tha se një referendum do të mbahej, por vetëm pasi të ketë përfunduar lufta me Rusinë dhe nëse Ukraina ende dëshiron anëtarësimin.
“Jemi shumë larg kësaj, sepse Ukraina nuk do t’i bashkohet BE-së nesër, ose pasnesër, por jo më së paku pas dhjetë vitesh. Është ende shumë larg kësaj… Por nuk është vetëm mendimi i Hungarisë, por i pothuajse të gjitha qeverive evropiane se nuk ka dy mënyra për t’u bashkuar me BE-në”, theksoi ai.
Magyar shtoi se çdo vend që dëshiron të anëtarësohet në BE duhet të kalojë nëpër të njëjtat procedura dhe të përmbushë të njëjtat parakushte.
Ai kujtoi se referendume për pranimin e vendeve të reja në BE janë mbajtur edhe më parë në disa shtete anëtare:
“Është e drejtë e çdo vendi sovran të vendosë nëse qeveria e di më mirë, apo, si qeveria hungareze, t’ia lërë popullit të vendosë në një moment të caktuar për pranimin e një vendi në BE.”
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Bravo Mahyad, por punz eshte se BE eshte qerruar nga syte dhe eshte shurdhuar nga veshet. BE terhiqet zvarre nga karroca rrangalle me kale plakun e rohitur Merz.
BE seshte detyrim, fajin e kemi ne pa qeveri serioze. Nje qeveri normale do shikonte interesin e vendit dhe jo te surrelit ne pushtet, nje qeveri normale nuk do priste me fjalet e BEse por do bente marreveshje exhe me Kinen edhe me rusine per gazin dhe produkte. Gjithe ai port mijeravjecar mund te persoreshe nga kina dhe rusi per trafik por ne zgjodhem tja falim kriminelave ne dubai dhe presim perjete nga BEja per te perfotuar ndonje kacidhe nga programet e tyre.