Te fundit
Kurti: Sulmin në Banjskë e organizoi klani i Novi Sadit, në krye ministri i Mbrojtjes së Serbisë
23 Tetor 2023, 11:50Rajoni
TEMA
Kryeministri i Kosovës, Albin Kurti përmes një postimi në Facebook ka shkruar se sulmin terrorist në Banjskë të Zveçanit e ka organizuar Klani i Novi i Sadit.
Kurti theksoi se në krye të tij është ministri i Mbrojtjes së Serbisë, Millosh Vuçeviç. Vuçeviç është kryetar i partisë-shtet SNS, tre herë i zgjedhur kryebashkiak i Novi Sadit me ndihmën e Zvonko Veselinoviçit, dhe miku më i afërt i vëllaut të Presidentit të Serbisë, Andrej Vuçiç.
Po ashtu tha se “Grupi terrorist në arrati i udhëhequr nga Millan Radoiçiç po qëndron në Rashkë”.
Postimi i plotë i Kurtit:
Klani i Novi Sadit
Sulmin paramilitar e terrorist në Banjskë të Zveçanit e ka organizuar Klani i Novi Sadit. Në krye të tij ndodhet Ministri i Mbrojtjes së Serbisë, Millosh Vuçeviç. Ai është kryetari i partisë-shtet SNS, tre herë i zgjedhur kryebashkiak i Novi Sadit me ndihmën e Zvonko Veselinoviçit, dhe miku më i afërt i vëllaut të Presidentit të Serbisë, Andrej Vuçiç.
Rreth 40 pelegrinë ortodoksë në Manastir të Banjskës me 24 shtator ishin nga Novi Sadi. Ndoshta e rastësishme, hetimet duhet ta tregojnë. Grupi terrorist në arrati i udhëhequr nga Millan Radoiçiç po qëndron në Rashkë. Atyre MUP-i famëkeq serb iu ka ndarë vetura të tipit Shkoda Oktavia me ngjyrë të bardhë dhe të zezë e me tabela regjistrimi BG dhe… NS.
Para dy dekadave në Serbi sundonte Klani i Zemunit, kurse tash vendin atij ia ka zënë Klani i Novi Sadit. Kriminelë në luftë, kriminelë në paqe; kriminelë në Serbi, kriminelë në Kosovë. Presidenti i shtetit, Aleksandar Vuçiç, porsi një capo-di-tutti-capi, ndodhet aty për të dëshmuar që ndonëse krimi e dikton shtetin, në fakt, është shteti që e dikton krimin.
Në katër komunat veriore të Kosovës po merr fund terrori, kriminaliteti dhe kultura e dhunës e paramilitarëve të Delije (tifozët e Cërvena Zvezdës) që shprehet me nofkat e ekstremistëve si: Mami, Llune, Daco, Rusi, Nemac, Gile, Drago, Aco, Comi, Belli, Micko, Prki, Mrki etj.
Mirëpo, Kosova nuk ka jurisdiksion në Serbi. A nuk do të duhej që BE-ja dhe ShBA-të ta formojnë një Gjykatë Speciale për Klanin e Novi Sadit? Mafia ballkanike do të përjetonte goditje fatale, ndërkaq rajoni i Ballkanit do të hapej i tëri për demokraci evropiane, drejtësi ligjore, paqe të qëndrueshme dhe zhvillim të përshpejtuar.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ta paska fut Armand Duka prandaj te thirri ne Tirane te shofesh ndeshjen per te marre me te mire se kapoja i klanit te Zemunit eshte Agroni se keshtu ka thene sivllau yt qe i qan zemra per Kosoven .
SULMIN NË BANJSKË E BËRI KLANI I NOVI SADIT VUÇIÇI VJOSA ALBINI DHE MIMOZË KURVA E RADOJÇIÇIT
Kurti nuk të takon që direkt apo indirekt po e rehabiliton një kriminel si Vuçiqi. Tash po shihet se se Vuçiq qenka vëllai i KM, Rama por i analfabetëve fuksional. Të till si Vuçiqi që nuk burgosi Radojçiqin, në Serbi mbron edhe rreth 3.600 kriminel dhe dhjetëra Klane kriminale terroriste si i Zemunit dhe Novi Sadit.
Albin Kurti është një i çmendur, është gënjeshtar, shpifës, intrigues. Eshtë tipik si Sali Shpellar Berisha. Për ato që thotë, gjithmonë i duhet besuar e kundërta.