Ngërçi politik në Kosovë/ Seanca e 38-të shtyhet të dielën! U jepet kohë krerëve të partive për takimin me Kurtin

Për të 38-ën herë deputetët e zgjedhur të Kuvendit të Kosovës u mblodhën në sallën e seancave plneare. I sotmi, vinte vetëm disa orë pasi Gjykata Kushtetuese u shpreh në lidhje më ngërçin e krijuar me mos konstituimin e Parlamentit. Ajo urdhëroi parlamentarët e dalë nga zgjedhjet e 9 Shkurtit që të konstituojnë institucionin kryesor legjislativ brenda 30 ditëve, duke vijuar me zgjedhjen e kryetarit dhe të nënkryetarëve. 

Kryesuesi i seancës, deputeti Avni Dehari thirri këtë të premte përpara nisjes së seancës, përfaqësuesit e partive politike në parlament, të cilët ranë dakord që ajo të shtyhet për të dielën (29 Qershor), një ditë pasi Kurti dhe krerët e partive politike të kenë zhvilluar bisedime në përpjekje për ta gjetur një marrëveshje politike.

Fituesja e zgjedhjeve të shkurtit, Lëvizja Vetëvendosje, ka të drejtë ekskluzive që të propozojë kandidatin për kryeparlamentar. Subjekti, që udhëhiqet nga Albin Kurti, insiston se Haxhiu është personi i duhur për të udhëhequr Kuvendin. Por, për PDK-në dhe AAK-në, Haxhiu konsiderohet figurë përçarëse, dhe ato kërkojnë që partia e Kurtit të ndryshojë kandidatin.

Mbi katër muaj pas mbajtjes së zgjedhjeve, për shkak të mospajtimit rreth kryeparlamentarit, vendi ka mbetur pa institucione të reja. LDK-ja, që doli e treta në zgjedhje - ka paraqitur një plan me 15 pika për një qeveri uniteti, duke i ftuar të gjitha partitë që ta formojnë një ekzekutiv të tillë, në mënyrë që vendi të dalë nga kriza.

Propozimi është refuzuar nga LVV-ja, ndërsa PDK-ja dhe AAK-ja janë shprehur se preferojnë formimin e një qeverie me partitë që mandatin e kaluar ishin në opozitë - pra, duke përjashtuar LVV-në.

Megjithatë, çështja nuk mund të kalojë te zgjedhja e Qeverisë së re të Kosovës pa u konstituar Kuvendi. Deputetët fillimisht duhet të zgjedhin kryetarin dhe pesë nënkryetarët - për të cilët kërkohen 61 vota - në mënyrë që më pas të hapet rruga për formimin e ekzekutivit.

Tentativë për zgjidhjen e ngërçit politik, kreu i Nismës Socialdemokrate pranon ftesën e Albin Kurtit për dialog

11:58 Rajoni 2 komente

Energjia dhe turizmi, dy pikat më të cenueshme të Ballkanit nga kriza në Lindjen e Mesme

09:30 Rajoni

Kushtetuesja kërkoi mbylljen e procesit brenda 30 ditëve, sot tentativa e 38-të për konstituimin e Kuvendit të Kosovës

08:49 Rajoni 1 koment

Ç’rrezikon Kosova në mungesë të institucioneve të reja? Analiza e REL: Qeveria pa legjitimitet për të marrë vendime të rëndësishme! Kur është afati i fundit për miratim?

07:48 Rajoni 1 koment

Ushtarët gjermanë do të qëndrojnë edhe një vit në Kosovë! Debate në Bundestag! Misioni ushtarak që i kushton shtetit 38.9 milionë euro

22:46 Rajoni 5 komente

Studentët, ultimatum Vuçiçit, presidenti serb: Do të ndërhyjmë për Vidovdan nëse detyrohemi

22:25 Rajoni

“Serbia do të mbrohet me çdo mjet!” Vuçiç sulmon perëndimin: Na futët në kaos që prej vitit 1999

21:30 Rajoni 20 komente

Gjykata Kushtetuese në Kosovë merr vendim: Për 30 ditë duhet të përfundojë seanca konstituive e Kuvendit

19:37 Rajoni 5 komente

Samiti i NATO-s në Tiranë më 2027! Ben Andoni: Ka rëndësi shumë të madhe. Duhet të presim Samitin e 2026, pasi bota mbart konflikte që…

17:18 Rajoni 2 komente

Zjarr në jug të Athinës, evakuohen banorët në zonat bregdetare

16:45 Rajoni 2 komente