Te fundit
Prapaskenat e vendimit, si e shkatërroi Albin Kurti festivalin e Dua Lipës në Prishtinë
15 Qershor 2022, 11:03Rajoni
TEMA
Një mbledhje që u mbajt javën e kaluar e të cilën e kishte udhëhequr Albin Kurti - e ku po merrte pjesë Përparim Rama dhe disa ministra - e varrosi ëndrrën e qindra mijëra të rinjve për organizimin e Sunny Hillit në Prishtinë. Nacionale sjell detaje nga kjo mbledhje, e në të cilën kryeministri Kurti po luante me fjalë dhe po tallej me të pranishmit.
Dukagjin Lipa – babai i pop-yllit më të madh kosovar, Dua Lipës dhe organizatori i festivalit më të madh ndonjëherë në Prishtinë Sunny Hill – ka ndarë një lajm shumë të keq përmes llogarisë së tij në Facebook: Festivali Sunny Hill nuk do të mbahet sivjet në Prishtinë.
Lipa ka përmendur konkretisht asamblistët e Komunës së Prishtinës dhe dikastere të Qeverisë Kurti si shtytësit drejt një vendimi të tillë, e të cilin e quajti “të vështirë por të domosdoshëm”.
E gjithë çështja ka të bëjë me 17 hektarët që Prishtina vendosi t’i jepte festivalit më të madh në Kosovë për 99 vjet.
Kjo u tematizua gjerësisht madje edhe në politikë, me Vetëvendosjen që shprehte kritika të ashpra në ambientet e Asamblesë Komunale. Por, Asambleja Komunale duket se nuk ka qenë i vetmi vend ku është stopuar ky vendim.
Burime të Nacionales thonë që kryeministri i Kosovës, Albin Kurti, i ka kërkuar personalisht kryetarit të Prishtinës, Përparim Ramës, që të anulonte vendimin për dhënien në shfrytëzim për 99 vjet të 17 hektarëve të lartpërmendur.
"Javën e kaluar në Qeveri është mbajtë një takim, ku ka marrë pjesë Përparim Rama, Albin Kurti, përfaqësuesi i Sunny Hill dhe një pjesë e asambleistëve të VV-së në Kuvendin Komunal. Aty Albin Kurti kishte kërkuar që të anulohej vendimi i Kuvendit Komunal për t'ia dhënë tokën për 99 vjet në shfrytëzim organizatorëve të Sunny Hillit," - thotë burimi, duke shtuar se kryeministri Kurti filloi "me lojërat e tij të zakonshme "mos të flasim për tokë, por të flasim për festival".
Kurti kishte thënë - veç tjerash - që do t'i bindte asambleistët e Vetëvendosjes në Prishtinë për ta votuar vendimin e ri, me kusht që toka të mos jepej për 99 vjet sepse, sipas Kurtit, "ky 99 vjeçari, ka degraduar".
Sipas këtij burimi, në atë takim kryeministri Kurti nuk ishte aspak i disponuar për ta zgjidhur problemin, edhe pse tashmë kishin kaluar të gjitha afatet kohore e ligjore për vendosjen rreth tokës së dhënë nga Kuvendi Komunal.
Në mbledhje, tregon njëri nga pjesëmarrësit, Albin Kurti mbante ligjerata rreth dëmit që do të shkaktonte huazimi për 99 vite të tokës, ai po fliste se si në 20 vite kjo metodë ishte përdorur nga "ish-regjimi" për të keq.
Kjo edhe e ka zemëruar tej mase organizatorin Dukagjin Lipa, çka çoi në vendimin për anulimin e gjithë festivalit nga Prishtina.
Vendimi i miratuar i Kuvendit Komunal ishte dërguar në Ministrinë e Administrimit të Pushtetit Lokal (MAPL) për aprovim, por aprovimi nuk kishte ardhur asnjëherë për shkak të ndikimit politik që burimi thotë se e ka ushtruar kryeministri Kurti.
“Në vend të përkrahjes, kërkesa e festivalit është politizuar, janë tejkaluar të gjitha afatet ligjore dhe kompentencat e MAPL mbi Komunën e Prishtinës, është injoruar vendimi i shumicës së Kuvendit Komunal, është ushtruar ndikim i paralajmëruar direkt mbi MAPL nga ana e asambleistëve të opozitës komunale, dhe për pasojë ne edhe sot, pas gjithë kësaj kohe, nuk e kemi një vendim final i cili do të na mundësonte mbajtjen e festivalit në Prishtinë.” – ka thënë mes tjerash z. Lipa në arsyetimin e vendimit.
Për ta zvarritur edhe më tej gjithë procesin, Nacionale mëson që MAPL-ja - e udhëhequr nga Elbert Krasniqi - e ka dërguar vendimin në Ministrinë e Bujqësisë.
Këtë vit, mes shumë e shumë yjeve të këtij festivali që kishte ndryshuar në mënyrë rrënjësore jetën kulturore në Prishtinë, ishte grupi i famshëm Coldplay, mbretëresha e popit botëror Madonna dhe të tjerë.
Faqja zyrtare e Sunny Hill ka njoftuar se lokacioni i festivalit do të jetë Tirana, si zëvendësuese e Prishtinës.
Për këtë vendim që shkaktoi tronditje në jetën kulturore të Kosovës, ka reaguar edhe nënkryetarja e Komunës së Prishtinës, znj. Donjeta Sahatçiu, e cila e quan gjithë ndodhinë si “aventurë politike të papranueshme”.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po shkruhet shume rreth kesaj,por dicka e pa spjeguar,perse duhen 17 ha dhe per 99 vite ?? Thjesht nje qartesim i kesaj kerkese ? Po Bashkia Tiranes, e ka pranuar kete kerkese ? Qytetari
17 ha, nqs e ke parasysh se cfare quhet festival nuk eshte e ekzagjeruar. Per sa i perket 99 viteve mbase eshte teper, por nderkohe organizatoret kane nevoje per garanci, sepse festivalet krijojne nje tradite. Imagjino pas 5 apo10 vitesh nderkohe qe eshte krijuar tradita dhe festivali ka zene rrenje, nje kryetar bashkie apo qeverie vendos te zhvilloje zonen ku lbahet festivali. Cfare ndodh me festivalin? Shkrihet e shkaterrohet, tradita humb. Keshtuqe organizatoret po mendojne tani qe eshte ne fillimet e veta qe te garantojne te ardhmen.
Për 99 dit apo për 99 muaj PO, por pse 99 vite??? Kush do rrojë nga organizatorët e sotshëm edhe 99 vite qi në të ardhmen me thon e kena marr me qira për 99 vite me QIRA??? Me i pyt veç e veç edhe organizatorët nuk do ta japin nji përgjige të hajrit! Në të ardhmen kjo mund të përdoret si Gozhda e NASTRADINIT! Koha ka tregu se gjërat kanë evolu shumë shpejt, pra nuk bind numri 99.