Te fundit
Rakiq presion Kurtit, kërkon lirimin e serbëve të arrestuar
12 Dhjetor 2022, 15:20Rajoni
TEMA
Goran Rakiq, kryetar i Listës Serbe - partisë më të madhe të serbëve në Kosovë - kërkoi lirimin e, siç tha, serbëve të arrestuar “padrejtësisht” në veri të Kosovës.
Arrestimi i një ish-polici serb të shtunën u bë edhe shkas i barrikadave që ngritën disa qytetarë serbë në pjesën veriore të Kosovës, përkatësisht në rrugët që çojnë drejt vendkalimeve kufitare me Serbinë, Jarinjë dhe Bërnjak.
Duke folur nga barrikadat në fshatin Rudarë, Komuna e Zveçanit, Rakiq tha se populli serb “do paqe”.
“Ne kërkojmë që qytetarët tanë të arrestuar padrejtësisht, të lirohen, dhe që [kryeministri i Kosovës] Albin Kurti t’i tërheqë njësitet që i dërgoi në veri, të ndalojë keqtrajtimin e fëmijëve tanë dhe të ndalojë ndjekjen e serbëve”, tha Rakiq, duke mos sjellë asnjë provë për këto pretendime.
Një ditë më herët, ai po ashtu tha se kryeministri i Kosovës, Albin Kurti, po përgatit dërgimin e forcave të tij speciale “për të përndjekur” serbë nga pjesa veriore e vendit.
Këto pretendime u hodhën poshtë nga zëdhënësi i Qeverisë së Kosovës, Përparim Kryeziu.
“Absolutisht e pavërtetë”, tha ai për Radion Evropa e Lirë.
Për më shumë rreth zhvillimeve në veri, përcilleni blogun e Radios Evropa e Lirë.
Policia e Kosovës ka shtuar prezencën e saj në veri, pas disa incidenteve të armatosura që janë shënuar që nga 6 dhjetori. Shtimi i forcave policore është thënë se po bëhet për të garantuar sigurinë e banorëve, në veriun e banuar me shumicë serbe.
Teksa barrikadat janë ngritur në veri, presidenti i Serbisë, Aleksandar Vuçiq, ka paralajmëruar se më 15 dhjetor do t’i drejtohet misionit të NATO-s në Kosovë, KFOR, me kërkesën për dërgimin e deri në 1.000 forcave të sigurisë në Kosovë. Ai ka thënë se këtë kërkesë do ta bëjë në bazë të Rezolutës 1244 të Këshillit të Sigurimit të Kombeve të Bashkuara.
Zyrtarët në Kosovë kanë thënë se këto paralajmërime janë “kërcënim me agresion” nga Serbia, teksa ekspertët i kanë thënë Radios Evropa e Lirë se as Rezoluta 1244 dhe dokumentet e tjera, nuk lejojnë që Serbia të dërgojë trupa në Kosovë.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ore si shume ja keni zgjatur gjuhen ktyre Krimineleve te ndyre . Me kta beni Tolerantin ju ? Ktyre i do shkerdhy fara nga i pari ke i fundit me metoda njerezore . Ky gjak krimineli injoron Shtetin e Ksoves
si shume ne thelsi te vrymes se Qeverrise Kosovare jane duke e rrasur gjuhen kta kauce srb
gazeta Tema eshte shendrru ne zedhense te shkjaut. Po ia kalon edhe novostit te Vucicit. Mero nuk do tia arrish ti edhe Rama qe te beni me Kosoven sic keni bere me Çamerin. Ka pune puna, sic thon ne Shqiperi. Mjafte me promovim te shkieve kriminela se kta ka kush i promovon mjafte ne shkini. Shiqo merru me te drejtat e çamve dhe te drejtat e shqiptarve ne Himar e gjetiu. Perdor pak trurin pervec lekut. Merru me detin qe po e shitni per asgje, merru me portin e Durresit qe ne vend te investitorve amerikane po ua epni Rabve turqve e shkijeve. Gjithnje e me shume po na bind se sa me shume qe shkruane per Kosove aq me large saj largohesh.