Te fundit
Studentët shqiptarë në RMV gati për protestën e radhës/ Vazhdojnë këmbënguljet për dhënien e provimit të jurisprudencës në shqip
11 Maj 2026, 19:58Rajoni
TEMA
Pasditen e së dielës, studentët e universiteteve shqiptare të RMV-së, të degës të Juridikut, të cilët protestuan së fundmi në Shkup për dhënien e provimit të jurisprudencës në gjuhën shqipe, nga qyteti i Kumanovës filluan mobilizimin e hapave të mëtejshëm rreth kërkesave të tyre.Në debatin e organizuar mes studentësh në shkollën fillore komunale “Naim Frashëri” në Kumanovë, ata u njohën me situatën aktuale, si dhe u këshilluan për organizimet e radhës.
“Takohemi me kolegët dhe studentët e qytetit të Kumanovës, të cilët edhe e mbështetën protestën tonë, njihemi me ata, ua dëgjojmë këshillat dhe në përgjithësi jemi në qëndrimin tonë të përbashkët. Bashkimi i studentëve shqiptarë është rëndësia jonë dhe që çdo kërkesë e radhës të jetë e njëzëshme. Qëllimi kryesor i debatit të sotëm ishte në lidhje me përdorimin e gjuhës shqipe në institucionet dhe provimin e jurisprudencës”, deklaroi organizatori i protestave studentore, Mevlan Ademi.
“Qëllimi i këtij takimi ishte që të bisedojmë rreth protestës që realizuam, ankesa, sugjerime apo vlerësime rreth saj, me qëllim që të vazhdohet në mënyrën e njëjtë, si dhe t’i informojmë në numër sa më të madh se për çka kemi dalë dhe çka është provimi i Jurisprudencës”, shtoi studentja në UNT, Arlinda Emini.
“Realisht jemi të kënaqur, pasi që kishte vullnet për të komunikuar, për të shprehur ide të ndryshme dhe për të pasur një pasqyrë më të qartë se si e shohin ata perspektiven e tyre, kauzën tonë, që na bëri të ndjehemi krenarë me faktin se ata ndihen pjesë e kësaj”, u shpreh studenti Jon Selimi.
Nga ky debat u konstatua se përderisa refuzohet kërkesa e tyre, ata do të vazhdojnë me protesta. Gjithashtu u paralajmërua se debate të tilla me studentë do të organizohen edhe në qytete tjera të vendit.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ju lumtë e Zoti ju a priftë mbarë!
Studentet duhet te protestojne deri sa te rrezojne Mickovskin dhe Kurtin. Studentet e Kosoves dhe Shqiperise duhet ti bashkohen vellezerve te tyre shqiptare ne RMV. Mbase edhe studentet greke e bullgare mund ti bashkohen studenteve shqiptare. Keshtu mund ta shperbejne shtetin e sajuar te quajtur RMV. Keshtu vihet ne vend drejtesia, perfitojne Bullgaria, Greqia dhe Shqiperia.
CKA KËRKON GREQIA NË TOKAT SHQIPTARE?
Sikur tmos ishin studentet dhe kembéngulja e tyre sdo ta kishim kurre univerzitetin e Tetoves, e fituan-m me gjak dhe u vulos me luften e uçk-s por si çdo her dalin tradhetar e sherbetor te maqedonasve siq jan tash ca kriminel te grumbulluar ne VLEN e te prir nga kurrci dhe ne koalicion me ZNAM shkaterruan çdo gje shqiptare andaj eshte momenti qe shqiptaret te reagojne ndryshe do jete vone.
NJË NGA GRACKAT E RADHËS. KALUAN JETËN SHQIPTARËT E SHQIPËRISË LINDORE DUKE U SHNDËRRUAR NË LYPËS SHEKULLOR. VETËM POZITA KUSHTETUTARE E SOVRANITETIT KOMBËTAR ËSHTË ZGJIDHJA E HALLIT SHQIPTAR, OSE DIVORCI POLITIK - JURIDIK.