Te fundit
Zgjedhjet në Serbi do të vëzhgohen edhe nga Parlamenti Evropian
26 Nëntor 2023, 16:09Rajoni
TEMA
Parlamenti Evropian (PE) do të dërgojë një delegacion për të vëzhguar procesin e zgjedhjeve parlamentare dhe lokale në Serbi në muajin dhjetor, transmeton qendra hulumtuese dhe botuese “Demostat” në Beograd, ndërsa është pothuajse e sigurt se në mesin e vëzhguesve evropianë do të jetë edhe eurodeputeti slloven, Klemen Groshelj, por edhe zyrtarë të tjerë.
Vendimi për vëzhgimin e procesit të zgjedhjeve parlamentare dhe lokale të 17 dhjetor është marrë pas një letre të kryetarit të Kuvendit të Serbisë, Vladimir Orliç, i cili ka kërkuar nga PE-ja emërimin e një misioni vëzhgues ditën e zgjedhjeve. Demostat shkruan se përveç Misionit për Bashkëpunim dhe Siguri në Evropë (OSBE) pritet të jenë edhe vëzhgues nga PE-ja.
Zgjedhjet në Serbi do të monitorohen nga 30 vëzhgues afatgjatë dhe 250 vëzhgues afatshkurër, ka njoftuar javën e kaluar kreu i Zyrës së OSBE-së për të Drejtat e Njeriut (ODIHR), Albert Johnson, përfshirë procesin e votimit, qendrat e votimit dhe numërimin e votave në zgjedhjet e 17 dhjetorit.
Shpallja dhe organizimi i zgjedhjeve në Serbi vjen në një periudhë kur janë intensifikuar përpjekjet e bashkësisë së organizuar ndërkombëtare për normalizimin e marrëdhënieve ndërmjet Kosovës dhe Serbisë, në dritën e tensioneve pas sulmit terrorist të 24 shtatorit në fshatin Banjë të Zveçanit – komunë e banuar me shumicë serbe – në pjesën veriore të Kosovës.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Dhe ne rast se konstatojne parregullsi apo shkelje si do veprohet, apo vetem konstatim!Mos na hapni barkun me kete lajme idioteske se Serbia eshte shtet i perkeledhur pikerisht nga Europa dhe la nje lobing te papare /Ndaj lereni Serbine se ajo eshte kocke qe nuk kafshohet dot se mbytesh!Serbia ishte ai shtet qe nga gjenocides kundrejt popullit te Kosoves u kthye ne viktime e sot mbrohet nga gjykata e Hages e ngritur posaçerisht per denimin e atyre qe luftan per liri ,lufte kjo qe pas perfundimit nxorri çlirimtaret vrastare dhe pushtuesit viktima,fale edhe agjenture se vjeter Serbe(Jugosllave) qe ka nje jete qe ka penetruar tek shteti i sapoformuar i Kosoves e vazhdojne te kene ndikim te madh tek qeverisja e vendit.Kjo eshte Serbia qe sot mendoni se mund te kontrollojet nga ata qe i shkelin njerin sy te perkeledhures se tyre.