Estetikë në moshë të mitur: Kirurgu Panajot Papa rrëfen rastin tronditës të 17-vjeçares

Në një kohë kur kufiri mes fëmijërisë dhe rritjes sa vjen dhe zbehet, gjithnjë e më shumë të rinj kërkojnë të ndryshojnë fytyrën e tyre, shpesh herë përpara se ta kenë njohur veten.

I ftuar në episodin e 25-të të Apostrof Podcast, kirurgu estetik Panajot Papa rrëfen një rast tronditës që ilustron ankthin e heshtur t një brezi që kërkon të modifikojë veten që në fillesat e jetës:

“Një vajzë rreth 17 vjeçe kërkonte të zmadhonte pjesën e buzëve sepse do të shkonte në vit të fundit në gjimnaz. Në këtë rast, pas një orë vizite, vajzës nuk i është bërë ky lloj trajtimi. Kjo gjë ndodhte në periudhën e korrikut dhe vajza është kthyer në fillim të shtatorit, ku për fat të keq kishte vajtur diku tjetër dhe jo vetëm nuk i ishte bërë acid hialuronik – që është një produkt që në shumicën e rasteve amortizohet ose eliminohet nga trupi – por për fat të keq i kishin prerë buzën në hapësirën mes buzës dhe hundës, duke i bërë një operacion që quhet Lip Lift, që sigurisht bëhet vetëm në mosha më të mëdha, pasi një 17-vjeçare nuk ka formuar akoma karakteristikat e fytyrës.

Në këtë lloj rasti, vajzës i ishte prerë zona e lëkurës midis buzës dhe hundës, duke kërkuar të arrijë atë që quhet Lip Lift ose kthim i buzës, që të duket pak më e mbushur. Por në këtë gjë që ishte arritur ishte një gabim total, sepse vajzës vetëm i ishte shkurtuar distanca dhe nuk kishte arritur të merrte asnjë benefit tjetër."

Rasti ngre një sërë pikëpyetjesh: Çfarë ndodh me një shoqëri ku të rinjtë ndihen të paplotësuar që në adoleshencë? Ku bukuria e jashtme kthehet në diçka që duhet kërkuar me çdo kusht? Dhe çfarë ndodh kur bisturia nuk përdoret më për të shëruar, por për të përmbushur një pasiguri që shoqëria vetë e ka ushqyer?

Episodi i plotë i Apostrof Podcast publikohet të dielën, ora 17:00 

https://www.youtube.com/playlist?list=PLg4y_a3lI08B8NCWY01VAH1ETuA97hqVN

Propozim global, OBSH kërkon rritje me 50% të çmimit të duhanit, alkoolit dhe pijeve me sheqer brenda 10 viteve

21:50 Shëndeti 1 koment

Evropa po digjet nga valët e të nxehtit/ Çfarë është fenomeni i ‘kupolës termike’ dhe pse konsiderohet një ‘vrasës i heshtur’?

08:07 Shëndeti

Temperaturat e larta të verës: Cila është temperatura maksimale që mund të përballojë zemra?

20:50 Shëndeti

Një variant i ri i Covid do të qarkullojë gjatë verës

09:59 Shëndeti

Përgjigjet e një mjekeje ndaj kundërshtimeve të mbrojtjes nga dielli

10:24 Shëndeti

Mjekët kundër “mjekëve mashtrues”, apeli: Mjekësia tradicionale po sulmohet nga mjekësia e deformuar

08:59 Shëndeti 1 koment

One Albania solidarizohet me nismën humane për dhurimin e gjakut

09:19 Shëndeti

Apostrof/ Kur estetika shndërrohet në kërcënim për shëndetin - Mjekja tregon për rrezikun nga terapitë e dehidrimit

19:02 Shëndeti

Apostrof/ Nga shpërqendrimi në varësi: modeli ushqimor i epokës digjitale (VIDEO)

19:22 Shëndeti

Apostrof #22/ Ushqim i shpejtë, dëme afatgjata: Pyetjet që industria ushqimore nuk do që të ngrihen (VIDEO)

17:15 Shëndeti 4 komente