Te fundit
Hapen 7 shërbimet e para në Spitalin Qendror në QSUT, Manastirliu: Spital ultramodern, do të rritet cilësia e shërbimit
18 Prill 2023, 13:53Shëndeti
TEMA
18 Prill, Tiranë- Spitali Qendror në QSUT është vendosur në funksion të pacientëve me shtatë shërbimet e para, të cilat tashmë janë funksionale, teksa vijon plani i transferimit të plotë të shërbimeve, që do të përmbyllen me vënien në funksion të urgjencës së re. Ministrja e Shëndetësisë dhe Mbrojtjes Sociale, Ogerta Manastirliu, ka vizituar nga afër pacientët e pare dhe stafet mjekësore të shërbimeve të transferuara në spitalin e ri. "Jemi të kënaqur që plani i transferimit është duke shkuar ashtu sikurse ne e kemi planifikuar, duke garantuar që shërbimet të transferohen nga pikëpamja e organizimit ndërspitalor, por edhe organizmit mes shërbimeve të ketë efektivitet maksimal. Shtatë shërbime janë transferuar.
Kjo është faza e parë, puna po vijon për t’u transferuar edhe shërbimet e tjera, sikurse ëshhtë shërbimi i kardiologjisë, reanimacionit kardiak dhe urgjenca",- tha Manastirliu. Pacientët dhe mjekët kanë vlerësuar maksimalisht këtë investim madhor në sektorin e shëndetësisë. "Gjithçka e re, gjithçka me standarde europiane",- tha Prof. Myftar Barbullushi, Shef i Shërbimit të Nefrologjisë në QSUT. "Dhoma për pacientët janë të përsosura, absolutisht asnjë gjë mangët. Motivimin e kemi më të madh dhe detyrat do t’i bëjmë më mirë",- tha prof. Adriana Babameto, Shefe e Shërbimit të Gastro-Hepatologjisë në QSUT.
"Me këtë ndërtim që është bërë këtu, ne jemi të barabartë me Europën në nivelin spitalor. Do kërkojmë të rrisim cilësinë e shërbimit dhe perfomancën tonë,"- tha Prof. Agron Ylli, Shef i shërbimit të Endokrinologjisë në QSUT.
Spitali Qendror është vepra më e madhe infrastrukturore në shëndetësi në 30 vitet e fundit. Spitali Qendror ka kapacitet 345 shtretër dhe do të akomodohen 14 shërbime mjekësore spitalore të specializuara nga kardiologjia, nefrologjia, hematologjia, gastrohepatologjia, mjekësia interne, endokrinologjia, dermatologjia, reumatologjia, alergologjia, urgjenca dhe imazheria.
Pesë vite më parë nisi zbatimi i masterplanit për modernizimin e QSUT dhe pas përfundimit të Spitalit Kirurgjikal “Frederik Shiroka”, Spitalit të ri Pediatrik, Spitalit Infektiv, Depos Farmaceutike QSUT dhe Spitalit Qendror, vijon puna me intensitet për fazën e dytë të rindërtimit të Spitalit Pediatrik, në vijim do të hapen investime të reja me projektet për rehabilitimin e Spitalit të Kardiokirurgjisë, Spitalit Psikiatrik dhe atij të Djegje-Plastikës në QSUT.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Suksese shume bukur...me mire ska ku te shkoje..Mbase dhe nje Lutje..>Kushdo qe e ka veshur kete Perpasje te bardhe ,, kini meshire dhe mos kerkoni Euro ndaj Qytetareve te thjeshte se skane mundesi ....perjashto ata Kriminele qe jane pasuruar me gjakun e popullit.. Besoni pake ne Zote,se per cdo pandeshmeri, Ligjit dhe mundet e dhe ti penetroni por Zotit asnjehere.Nese gaboni nje dite Zoti ju troket ne dere dhe dhimbjet do te jene te pasherueshme.....
Manastirliu nje nga ministret me te mira te qeverise ,plehre te rilindjes,fjalepak dhe gjithnje e hijshme , s diskutohet qe ne shume spitale drejtoreshat bejne kerdine ,por te pakten nuk eshte si ato debilet qe bejne vecse gafa
E keni spital publik apo privat ? Te investosh llac e tulla dhe te blesh pajisje mjekesore pa pjesen e mirembajtjes eshte gjeja me e lehte. Por te manaxhosh spitalin, te shmangesh mitmarrjet dhe qelepiret, te vendosesh mjeket dhe infermjeret me profesioniste ne drejtim, te shmangesh vjedhjet e medikamenteve, te shtrosh pacientet falas sepse ata paguajne siguracionet shendetesore=kjo eshte me e rendesishme se sa te dalesh ne foto.
Lerini ultra modern-lleqet. QSUT eshte spital publik dhe si i tille pacientet qe paguajne siguracionet shendetesore duhen te shtrohen mjekohen te bejne analizat dhe egzaminimet falas. Eshte Turp per ju Ministre qe keni bere nje ligj per Autonomine spitalore duke e ditur shume mire se spitalet dhe Fondi i Sigurimeve jane publike. Paguhen nga taksapagonjesit shqiptare.