Vapa dhe problemet me zemrën, kardiologia: Të rinjtë të diagnostikohen, kujdes me tensionin e pijet energjitike

Temperaturat e larta janë kthyer, në një kërcënim serioz për shëndetin e të rinjve tek të cilët janë shtuar problemet kardiake. Mjekja Eva Duraku thotë se për disa prej tyre kjo vjen si mungesë e  diagnostikimit të hershëm, apo edhe e neglizhimit të simptomave.

“Tek ata që vuajnë dhe e dinë, sigurisht mund të jetë më e kontrolluar situata, por tek ata që nuk janë të diagnostikuar ose që mund të kenë probleme të pazgjidhura nga ana terapeutike, atëherë kjo përbën një rrezik të shtuar përsa i përket kësaj stine. Edhe mosha 30-40 vjeçare deri në 50 vjeç janë shumë të rrezikuar sidomos nëse ato paraqesin një faktor rreziku si tensioni i lartë, yndyrnat e larta ose diabeti i pakontrolluar”, tha mjekja.

Krahas duhanit dhe alkoolit, mjekët rendisin edhe një tjetër faktor që po rrezikon moshat e reja.

“Ka dhe mosha të reja të cilët nuk kanë këto faktorët e lartpërmendur, pra nuk janë përdorues të drograve, të duhanit, të alkoolit, por që kanë faktorë të tjerë rreziku siç është hipertensioni në moshë të re, siç është obeziteti, yndyrnat e larta, një dietë jo korrekte dhe kjo mund të akumulohet në një periudhë jo shumë të gjatë kohore dhe të japi pasoja shumë shpejt, një sinjal sado i vogël, një marramendje, një ndryshim në vlerat e tensionit, gjendjet e të fiktit. Kemi pasur shumë gjendje të fikti kohët e fundit të cilat mund të sinjalizojnë probleme me tensionin si të lartë ashtu dhe të ulët pasi mund të kemi dhe rënie të tensionit, probleme të aritmisë. Nuk duhet në asnjë lloj mënyre që të neglizhohen”, theksoi mjekja Duraku.

Kujdesi i shtuar dhe këshillat e mjekut mund të parandalojnë rrezikun veçanërisht tek ata që ekspozohen ndaj temperaturave të larta për shkak të punës.

“Janë disa kategori të cilët punojnë në këto kushte, drejtuesit e mjeteve, policët ose kategori të tjera që janë pak më të ekspozuar, gjithmonë të hidratohen, të marrin ujë me vete, të mbulojnë kokën me kapele ngjyrë të lehtë, të bardhë dhe të jenë gjatë gjithë kohës alertë ndaj simptomave”, u shpreh mjekja.

Pavarësisht moshës apo të ndjerit mirë, të dhënat klinike dëshmojnë se askush nuk është i pathyeshëm ndaj patologjive kardiake.

Gazetare: E. Hasanbelli    

Studimi për vaksinën e HPV, Anglia shënon zero vdekje nga kanceri, Shqipëria i pret pas dy dekadash

18:20 Shëndeti

Vala e të nxehtit rrezikon edhe shëndetin mendor, paralajmërojnë studiuesit

11:00 Shëndeti

Vaksina ndaj Covid mbron edhe zemrën, studimi: Ul ndjeshëm rrezikun për infarkt dhe goditje në tru

19:10 Shëndeti 20 komente

Shqipëria abuzon shumë me antibiotikët, që nga 1990, mbi 300 vdekje çdo vit për shkak të rezistencës mikrobike

14:43 Shëndeti 2 komente

Shpresë kundër kancerit/ Studimi ndërkombëtar: Injeksioni eksperimental eliminon tumoret në kokë e qafë

15:44 Shëndeti 5 komente

Paralajmërojnë onkologët: Terapitë e reja të kancerit zgjasin mbijetesën, por fshehin…

21:30 Shëndeti

OBSH: Shkalla e vdekshmërisë nga shpërthimi i Ebola-s arrin në 30-50%

21:54 Shëndeti 2 komente

80% e dëmtimit të lëkurës nis në fëmijëri, dermatologia: Mbrojtja nga dielli të nisë që pas muajit të 6-të të jetës

16:30 Shëndeti

Epidemia e Ebolës në Afrikë, kreu i OBSH: Situata mund të përkeqësohet ndjeshëm

10:15 Shëndeti 1 koment

Alarm për hantavirusin: OBSH konfirmon rastin e 12-të, monitorohen qindra persona në 30 vende

22:20 Shëndeti 3 komente