Te fundit
Avokati i Popullit: Të lirohet menjëherë qytetari i cili ka pësuar kriza shëndetësore, qëndrimi në qeli është e rrezikshme për të
4 Korrik 2026, 21:35Sociale
TEMA
Për shkak të interesit të lartë publik, Avokati i Popullit njofton paraprakisht mbi verifikimin e nisur sot, pas pretendimit për ushtrim dhune ndaj një qytetari brenda ambienteve të Bllokut të Sigurisë.
Menjëherë pas sinjalizimit, katër ndihmës komisionerë të Avokatit të Popullit kanë shkuar fillimisht në QSUT, ku gjendja shëndetësore e qytetarit nuk lejonte intervistimin. Më pas në Bllokun e Sigurisë, ku pretendohet të ketë ndodhur dhuna, për administrimin e fakteve dhe dëshmive nga personeli dhe të arrestuarit e tjerë. Me transferimin e qytetarit në Spitalin e Traumës, grupi ka vijuar hetimin pranë tij.
Nga dokumentacioni i administruar deri më tani, nuk ka të dhëna që konfirmojnë ushtrim dhune ndaj tij në ambientet e Bllokut të Sigurisë. Konfirmohet ndërkohë se qytetari ka kaluar disa herë kriza shëndetësore, për shkak të sëmundjes nga e cila vuan.
Theksojmë se i njëjti qytetar është intervistuar nga institucioni ynë edhe ditën e djeshme. Siç dokumentohet në dëshminë e tij me shkrim, gjatë intervistës së djeshme, qytetari nuk ka paraqitur asnjë pretendim për ushtrim dhune: as gjatë ndalimit, as gjatë shoqërimit, as gjatë qëndrimit në komisariat apo në Bllokun e Sigurisë.
Verifikimi vijon. Institucioni ka kërkuar pamjet filmike të kamerave të sigurisë në ambientet ku mbahen personat e arrestuar dhe gjetjet e plota do të bëhen publike pas administrimit dhe analizës së tyre.
Ndërkohë, referuar dokumentacionit mjekësor dhe krizave të përsëritura shëndetësore, mbajtja e qytetarit në kushte qelie përbën rrezik për shëndetin e tij dhe bie ndesh me standardet e nenit 3 të KEDNJ. Për këtë arsye, Avokati i Popullit i kërkon organit të prokurorisë dhe gjykatës të vlerësojnë menjëherë masën e sigurisë dhe zëvendësimin e saj me një masë të pajtueshme me gjendjen e tij shëndetësore.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Av. Po te kete kriza munde te rrinte ne shpije qytetati o fshatari, po tu kruajt duhet qe ta kruaje zoti Av.
Kush eshte avokati I popullit mos eshte ligji apo maliqi. Mentalitet i nderhyrjeve si ne sistemit e kaluar por ne kete sistem secili ka pozicionin e tij me ligj dhe e zbaton ate si prokurori gjygjetari polici kushdo.Institucioni i Avokatit te Popullit duhet suprimuar si i pavlefshem por dhe shpenezues i madh i taksave te shqiptareve
Avokati i pordhës gjithmon në krah të krimit dhe kriminelëve.