Te fundit
Dorëzohen apartamente të reja në Golem, Rama: Rindërtimi, deri në fund
3 Tetor 2022, 17:10Sociale
TEMA
Kryeministri Edi Rama tha sot nga Golemi se të gjithë ata që humbën shtëpitë dhe u përfshinë në procesin e rindërtimit do të marrin deri në apartamentin e fundit atë që u takon.
Në fjalën e tij gjatë ceremonisë së organizuar në Golem, ku u dorëzuan çelësat e apartamenteve të reja, Rama tha se “do të marrin apartamente shumë më të bukura dhe shumë më të forta se ato që humbën, të cilat përndryshe nga sa kemi parë strukturën sociale të këtyre familjeve, në pjesën dërrmuese do ta kishin të pamundur që t’i merrnin dhe të cilat, siç e kemi thënë që në krye të herës, janë pronë e pasuri e patundshme e këtyre familjeve pa asnjë detyrim ndaj shtetit”.
“Prej disa kohësh edhe dorëzimi i shtëpive është bërë duke qenë se një pjesë e banorëve këtu janë familje të cilat janë në emigracion, por që kishin apartamente të tyre në pallatet e dëmtuara, dhe nga ana tjetër pjesa tjetër e familjeve i kanë marrë çelësat. Ishte me rëndësi të isha këtu t’i plotësoj kërkesën kryetarit të bashkisë dhe për të vazhduar me mesazhin që të gjithë ata që u goditën, humbën shtëpitë, u përfshinë në procesin e rindërtimit, do të marrin deri në apartamentin e fundit atë që u takon”, nënvizoi Rama.
Kreu i qeverisë u shpreh se “ne kemi parë shumë programe edhe në vende të tjera pas tërmeteve dhe nuk ka asnjë program, ky është i vetmi në dijeninë tonë, ku familjet që humbasin shtëpitë iu jepen shtëpi jo me kredi, qoftë edhe me kredi të butë, por falas 100 %”.
“Ne e bëjmë këtë, sepse e dimë shumë mirë se nuk janë kohët më të mira jo vetëm për ne, por gjithë botën, e veçanërisht për gjithë Europën, nuk është e drejtë që këtyre familjeve që në strukturën e tyre sociale hyjnë tek ato me më pak të ardhura se të tjerat, që ne t’u vëmë qoftë edhe një qindarkë më shumë barrë”, tha Rama.
“Këto janë shtëpitë tuaja, janë të hipotekuara, mund ta mbani, ta shisni e t’ua jepni me qira si gjithë të tjerët dhe në asnjëherë, në asnjë hap të kohës në vijim, shteti nuk mund të vijë dhe t’ju kërkojë çfarëdo qoftë”, tha Rama.
Në Kavajë deri tani janë strehuar në apartamente 221 familje që humbën strehën nga tërmeti.
15 Komente
Lini një Përgjigje
Më të lexuarat
24 oret e fundit
Javen e fundit
Blog Tema
ti gzojne banoret bravo zoti rama per kete premtim te mbajtur
ka lezet banoret tashme do rinisin jeten e tyre normale
Hallall i mbajten premtimet
Te gjithe keto familje do te ken shtepi vetem fal qeveris
I keni nderuar keto familje
Nje enderr e bere realitet
Ti gezojne shtepiat e reja banoret e Golemit
Apartamentet paskan dale shume bukur
Bravo sepse ju sollet buzeqeshjen ketyre familjeve
Edhe pse jemi duke kaluar nje krize ju prape i keni mbajtur premtimet qe na keni dhene
I gezofshin shtepit e reja u pafshin hajrin
Zon me plot kushte plus shtepiat teper td mira per familjet qe do strehoen aty
Me vjen mire qe ky projekt perfundoi ne nje kohe rekord
Ti gezojne shtepite e reja te gjithe ata banore qe humben shtepite e tyre nga termeti i tmerrshem
Shtepi te reja qe as ne enderr nuk jane pare, dhe per me teper pa asnje lek nga xhepi!!!. Hajde te ankohesh tani, siç e kemi bere zakon!