Te fundit
Driloni mbushet me ndërtime: Parku është zonë e mbrojtur, bashkia i justifikon
23 Shkurt 2023, 16:40Sociale
TEMA
Misioni i ekspertëve të UNESCO-s kundërshton kategorikisht ndërtimet në hapësirën e zonës së mbrojtur në Parkun Drilon-Tushemisht, buzë liqenit të Ohrit.
Kjo zonë e mbrojtur rrezikon të dëmtohet nga një numër të konsiderueshëm ndërtimesh në hapësirën mes Drilonit dhe fshatit turistik të Tushemishtit.
“Hiqni përgjithmonë nga projekti i zhvillimit të turizmit në Burimet e Drilon, opsionet për ndërtime në fushat bujqësore përgjatë burimeve, ndërtimin e Muzeut të Liqenit ose ndonjë ndërtese tjetër në majë të kodrës…”, udhëzoi UNESCO.
Por shqetësimi i UNESCO-s duket se nuk është marrë parasysh edhe pse ministria e turizmit dhe mjedisit shprehet në një përgjigje për Top Channel se projekti është diskutuar me administratën e zonave të mbrojtura, me bashkinë Pogradec dhe UNESCO-n.
Por nënkryetari i Bashkisë së Pogradecit, Paskalino Zyko mohon impaktin në mjedis.
Plani i detajuar i zhvillimit është miratuar nga Këshilli Kombëtar i Territorit në dhjetor të vitit 2020 dhe në bazë të tij, Fondacioni Shqiptaro-Amerikan për Zhvillim po zbaton një projekt për rikualifikimin e parkut të Drilonit.
Në një reagim më herët për BIRN Fondacioni Shqiptaro-Amerikan për Zhvillimin, AADF konfirmoi se ishte angazhuar në rikualifikimin e zonës pranë burimeve të Drilonit, por mohoi çdo përfshirje me projektin e ndërtimeve në hapësirën mes Drilonit dhe Tushemishtit.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
eshte nje krim qe po behet ne kurriz te kesaj bukurie natyrore qe na e ka fal natyra por e shkateron rilindja e ketij artistit qe di vetem beton ne cdo cep te shqiperise me rilindjen urbane. eshte nje idiotesi qe brezat sdo e falin por do jete vone me demin. turp.
BULDOZERI ESHTE ZGJIDHJA SPAK te filloje hetimet per korrupsion per Bashkine e Kadastren e Pogradecit !
Matrapazet e bashkise ,te atyre te mepareshmeve e ketyre te fundit kane lejuar ndertime ne Voloreke ku aty eshte ndertuar nje goxha hotel e po planifikohen te tjera,KUSH JA FALI TOKEN NE NJE PARK TURISTIK ATIJ QE KA NDERTUAR HOTELIN
kur flet per Pogradecin mjafton ta krahasosh me Strugen apo Ohrin ne krahun tjeter....vite drite larg...
Ne muajin nentor te vitit te kaluar isha ne Drilon dhe fatkeqesisht ajo mbrekulli po masakrohet Driloni ishte perle , tani eshte kantier