Te fundit
Historia 10-mujore e dashurisë që lindi në Instagram: Më kërkoi divorcin dy javë pas martesës
3 Dhjetor 2023, 20:10Sociale
TEMA
Martesa e nxituar është shkaku që Anila ka sjellë djalin e saj, Andin në “Shihemi në Gjyq” nga “E Diela Shqiptare” në Tv Klan. 27-vjeçari njohu një vajzë 18-vjeçare në Instagram dhe vendosi që të vinte nga SHBA në Shqipëri për ta takuar. Në dy javët e qëndrimit, Andi mori edhe familjen e tij që të njihte familjen e vajzës dhe të kërkonin dorën e saj.
Anila nuk e pëlqeu familjen e vajzës, megjithatë iu desh të pranonte vendimin e djalit. Më 18 nëntor 2022 çifti bëri fejesën dhe më 18 dhjetor celebrimin. E gjithë historia e dashurisë, nga njohja e deri te martesa ndodhi brenda 10 muajve. Më pas Andi u kthye në SHBA dhe nisi menjëherë procedurat për bashkim familjar. Punonjësi në SHBA i kërkoi që vajza të hapte një llogari bankare rrjedhëse.
Andi: Pasi nisim procedurën për të bërë vizën, vajzës i duhej të shkonte në bankë që të hapte llogarinë dhe atje bën një gabim vajza. Nuk hap llogari të rregullt për të bërë pagesa, por hap llogari kursimesh. Tani…
Anila: Shfrytëzim,shfrytëzim!
Andi: Tani unë e pres vajzën, ka qenë ora 4 e mëngjesit në Amerikën, sa i takon të jetë në Shqipëri për të më dhënë njoftimin që e ka mbaruar…
Anila: Rrinte pa gjumë, priste vajzën, pa gjumë!
Andi: Të më çonte numrin që të bëhej viza. E pres, nuk më shkruan. E marr në telefon, i them çfarë bëre? E bëra unë kartën, po mua më tha ai profesori që…
Ndërkohë Andi mban në dorë disa dokumente që rezulton të jetë urdhri i mbrojtjes që vajza ka marrë ndaj tij.
Eni Çobani: E gjithë kjo histori për 500 dollarë është bërë, 500 dollarë ke harxhuar ti për këtë?
Andi: Jo për 500 dollarë, thjesht se vajza ka thënë…
Anila: Vazhdojnë lekët t’i investojë djali im për të! Nuk është kjo! Sherri i divorcit që kërkoi ajo është 500 dollarëshi për shkollën që ajo…dhe akuzon djalin, mbaronte të mesmen dhe ky do t’ia vazhdonte shkollën që mos të shkëputej që këtej dhe i dërgoi 500 dollarë të kishte gjendje kjo dhe tani ajo në urdhrin e mbrojtjes i thotë që ti më ke kërcënuar për shkollë, je xheloz për shkollë!
Anila: Kur unë jam një nënë që shkollën time dhe dijen time, jam shumë krenare që 9 fëmijë dhe nuk e kam vazhduar dot dhe e ka bërë djali im!
Andi: Pas kartës vajza fillon bëhet nervoze dhe thotë dua divorc!
Eni Çobani: Në çfarë date e kërkon divorcin se në 22 dhjetor u martove, kur ta kërkoi divorcin?
Andi: Dy javë më mbrapa, pasi kam ikur në Amerikë, dy javë më mbrapa dhe shkaku ka qenë për kartë banke, i kam thënë shko edhe njëherë ta rregullosh. Kjo tha nuk shkoj atje unë se do më thotë ja nuk di kjo si bëhen këto gjëra. Dhe më thotë unë nuk merrem me këto letra, me këto gjëra, a më jep divorcin? Dhe unë e kam pyetur, i kam thënë a je e sigurt që do të ndahesh se unë nuk jam martuar për t’u ndarë. Meqenëse ti do që të ndahesh, atëherë më pago mua shpenzimet të vij nga Amerika në Shqipëri dhe të jap divorcin, ti në punën tënde, unë në punën time se unë nuk kam si vij për të të dhënë divorc ty./tvklan.al
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Djali,ne goxha moshe,vjen bashke me nenen,per ta mbrojtur ate .Nena ka bere dhe 9 femije,duket qe vjen nga kosova se atje eshte ky mentalitet,pasi ata duhen ushyer dhe edukuar mire. Mirpo,me ne fund,nuk po shohim dhe degjojme palen kundershtare,qe duhet te mbrohet? Ju dhjefsha ne mender gjyqin,qe keni bere,ku kryesorja eshte spektakli dhe mileti ben gallate si shahen dhe perleshen gladiatoret e ngrate te eni cobanit,qe i ka mbetur krraba,pa gjysmen e bagetise.
Ka edhe me keq...Halla i bene nje vajze nga Berati nipit te saj ne New York,duke garantuar se i njefe si familje dhe me te jemen shoqe qe kur ishin ne shkolle bashke,etj,etj,, dhe nipi shkone ne Shqiperi e shikon,pelqehen dhe ai i bene dhe finalizone dokumentet dhe i merr vizen.Cudia ndodhi kur ajo erdhi ne New York ne aeroport takoje dhendrin dhe familjen e tij duke i thene se kerkoje ndjese te madhe dhe faleminderit ca bete per mua,,por ketu eshte dikush tjeter qe po pret per mua.Ballkanasit dhe vecanerisht shqiptaret kane patur dhe kane probleme te medhe me korektesen,genjeshtren,seriozitetin dhe pse jo me ate qe ne i themi BESE.