Te fundit
Historia e pabesueshme: Shqiptari po mbytej në La Mansh me gomone drejt Anglisë, i vëllai telefonon në SHBA për ndihmë
13 Shtator 2024, 18:28Sociale
TEMA
Një histori e jashtëzakonshme, që fatmirësisht pati fund të lumtur. Një telefonatë në Dover, Delauer, habiti jo pak punonjësen e ndihmës së shpejtë.
Telefonuesi ishte nga Shqipëria dhe mendonte se po telefononte Doverin tjetër, atë të Anglisë, për të kërkuar ndihmë.
Pjesë nga telefonata e regjistruar
Punonjësja: Po mbytet ndonjë varkë?
Telefonuesi shqiptar: Po.
Punonjësja: A e dini ku ndodhen?
Telefonuesi shqiptar: Vijnë nga Kale (Calais). Po shkojnë për në Angli.
Telefonata e 27 gushtit u lokalizua që vinte nga Shqipëria, pranë Elbasanit dhe telefonuesi merrte për të kërkuar ndihmë për vëllain e tij, i cili, sikurse qindra shqiptarë, po kalonte Kanalin e La Manshit, por varka e të cilit po mbytej.
Problemi ishte se kishte telefonuar Doverin e gabuar, atë përtej Atlantikut, në shtetin amerikan Delauer.
Punonjësja: Ku zotëri? Janë në gjirin e Delauerit, apo jashtë?
Telefonuesi shqiptar: Nuk e di me saktësi. Janë në ujë, në mes të ujit atje në Francë, Angli, në mes.
Fatmirësisht për shqiptarin që telefononte dhe vëllain e tij që po mbytej në det, Mackenzie Atkinson reagoi shpejt.
Punonjësja: A janë këto koordinatat?
Telefonuesi shqiptar: Po, koordinatat. Koordinatat që më dërguan dhe po ju a jap juve.
Punonjësja: Në rregull, më jepni të parën.
“E mbajta në linjë dhe i thash që kolegu im po dërgonte ndihmën e parë. Më pas i dhashë Konorit koordinatat dhe i vendosëm në hartë për të kuptuar ku ishte anija”, tregon Atkinson.
Brenda 4 minutash, agjencitë ndërkombëtare u njoftuan. Më në fund, shqiptari arriti të kontaktonte me Rojën Bregdetare Franceze dhe vëllai i tij, bashkë më të tjerët në varkë, u shpëtuan.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Jemi bere lole kudo....Kudo jemi te njohur per refugjate kemi gelur si gabelt rrugeve... Rrej Politikaneve Kriminela hajdutat e shkaterruan Shqiperine gjynah
Fiks Lani Ata vjedhin , shqipetaret mbeten rrugeve, maleve, deteve, Zoti I denofte qe na detyruan te ikim ne emigration ne moshe te dyte.
Morenjohje! ????
Merita nuk eshte e shqiptarit qe beri njje telefonate te gabuar (nuk kuptoi nga prefixi qe po telefononte 11000 km me larg) por e punonjeses amerikane. Eshte per tu admiruar se cfare ndjenje kane per detyren. Ky eshte edhe ndryshimi kryesor qe kemi me kombet e tjere. Shqiptaret nuk kane bisht, pra jane si te tjjeret por nuk kane edukate pune dhe ndjejnje detyre. Ky eshte ndryshimi.