Te fundit
Italia, jo më “toka e premtuar”
26 Prill 2024, 17:07Sociale
TEMA
Italia nuk është më “toka e premtuar” për fëmijët shqiptarë.... të paktën kështu rezultoi vitin shkuar. Numri i fëmijëve të mitur, të pashoqëruar që kërkuan strehë, ushqim dhe përkujdesje në shtetin fqinj u përgjysmua në raport me 2022-shin.
Të dhënat nga Zyra për të Miturit e Huaj të Pashoqëruar tregojnë se nga 1 mijë e 319 kërkesa për azil në 2022-shin, numri ra në 652 vitin e shkuar.
“Kjo pasi vendet e tjera europiane po bëhen më tërheqëse. Po të shohim të gjitha trendët e lëvizjes së fëmijëve shqiptarë, të pashoqëruar apo shoqëruar, BE vijon të konsiderohet si :toka e premtuar” për fëmijët shqiptarë”, tha Altin Hazizaj nga Qendra për Mbrojtjen e të Drejtave të Fëmijëve në Shqipëri.
Megjithatë, pavarësisht përgjysmimit shifrave, fëmijët shqiptarë vijojnë të zënë një peshë të madhe në drejtim të kërkesave për azil në Itali. Gjatë vitit të shkuar kryesuan të miturit nga Egjipti, ndjekur nga ata nga Ukraina në Luftë, Tunizia, Gambia, Guinea dhe Bregu i Fildishtë.
“Problemi është se në një sërë raportesh të dala, 100 për qind e fëmijëve shqiptarë vijojnë të shprehin dëshirën për të braktisur vendin dhe ikur në emigrim diku tjetër në botë.”
Sipas të dhënave nga Drejtoria e Përgjithshme për Imigrimin dhe Politikat e Integrimit, minorenët nga Shqipëria mbi 12 mijë shqiptarë kanë kërkuar azil në më pak se një dekadë. Në këtë drejtim Shqipëria kalon çdo vend të Rajonit, Europës e madje të botës me përjashtim të atyre në luftë apo krizë të thellë ekonomike.
“Ka një problem të madh. Këta fëmijë mund të shfrytëzohen seksualisht, ekonomikisht dhe kriminalisht. Fatkeqësisht nga Italia nuk kemi të dhëna.”
Deri në fund të vitit të shkuar, në Itali u regjistruan 23 mijë e 226 kërkesa për azil nga fëmijë të pashoqëruar, 3 mijë më tepër se gjatë 2022-shit.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po pse fëmie, që kerkonë azilë në italie a po Evropë në vitin 2024? Po Ramë Turk hajdut Erdogani, thotë që ne jemi vend dinjitozë njësoj si Italian, dhe munsishtë kitikonë medjatë e tyrë se pse i thonë Ramës se ke një qeveri të korruptumë dhe bën kontrata korruptive dhe në dëmt të Shqiprisë. Po ne si Pasë Ramës dhe Saliu jemi të dytë në Evrope a po jo.
Nje pytje kisha.. Ne vend qe zoti kryeministerte merrej me problem serioz qe shqiperia po braktiset . Nga femije dhe te rinj . Me ben marrveshje me Italin per refugjatet. Kjo me duket absurde.!!