Kolegji i Europës, Veliaj inspekton punimet: Mundësi e artë për kryeqytetin!

Kryetari i Bashkisë së Tiranës, Erion Veliaj inspektoi sot punimet në mjediset e reja të Kolegjit të Europës, te godina “Liria” pranë Qytetit Studenti.

“Jam vërtet i kënaqur kur shoh si vlon puna, teksa përgatitemi për kampusin provizor të Kolegjit të Europës. Kemi studion, ose zyrën pritëse, që është te Piramida, ndërkohë ky do të jetë mjedisi i punës dhe i studimit. I punës për stafin dhe administratën, pra te godina “Liria” në zemër të “Qytetit Studenti”, shumë pranë konviktit, që tashmë është përzgjedhur për 31 studentët e parë. Kemi liruar edhe parkingun pas godinës “Iliria”, kurse autobusët e linjave të juglindjes janë zhvendosur te Terminali pranë TEG-ut. Kjo do të thotë se edhe sheshi do të lirohet shumë shpejt, për t’u kthyer në një kantier për ndërtimin e një kampusi ultra-modern.

I ka hije Shqipërisë gjithë ai insistim dhe mund i Kryeministrit për ta sjellë Kolegjin e Europës në Tiranë, si dhe mbarimi në kohë i projektit fantastik te Piramida, si zyrë e përfaqësimit në zemër të Tiranës dhe fillimi i punës në kampus. Pjesa e kampusit, ku do të bashkëjetojë kampusi i ri i Universitetit të Tiranës me godinat e reja me kampusin e Kolegjit të Europës, besoj se është krushqia ideale europiane-shqiptare që do të simbolizohet aty”, tha Veliaj.

Kryebashkiaku dha lajmin e mirë se po punohet me ritme të shpejta për ta hapur sa më parë, brenda shtatorit, dhe për ta vënë në funksion të studentëve kampusin e Kolegjit të Europës.

“Lajmi i mirë që na erdhi nga rektorja, Federica Mogherini, është se për 31 studentët e parë ka një bursë. Kush do të pranohet automatikisht, e ka gjithçka të paguar në janar. Fakti që ka një kërkesë të jashtëzakonshme, sipas rektores, për të qenë staf dhe student në Tiranë, do të thotë se Tirana e ka ngritur vërtet piacën. Mandej, kur të vijnë këtu dhe të shikojnë se si idetë e arkitekteve tona të mrekullueshme e kanë bërë këtë si një shtëpi për ta, besoj do të jetë një surprizë shumë e këndshme. Ju falenderoj që po punoni për të kapur afatet në kushte spartane dhe me një sprint të paparashikuar. Mezi pres që të krenohemi kur të marrim certifikim dhe ta quajmë zyrtarisht të hapur edhe për mësimdhënie tani, jo vetëm për përfaqësim, kampusin e Kolegjit të Europës në Tiranë”, u shpreh Veliaj.

Ky është i pari kampus që hap dyert jashtë një vendi të Bashkimit Europian. Kampusi i Kolegjit të Evropës në Tiranë do të ofrojë një program akademik me standarde evropiane për studentët dhe profesionistët nga Shqipëria, rajoni i Ballkanit Perëndimor, Bashkimi Evropian dhe më gjerë, dhe do të hapë ciklin e studimeve duke filluar nga ky vit akademik.

Shëndetësia, Rama: Po punojmë që të sjellim robotë për të kryer operacione në Shqipëri

12:20 Sociale 12 komente

Rama: Shpërblim mjekëve sipas meritës! Kush do të shkojë në Gjermani të na marrë të keqen

11:52 Sociale 7 komente

Rama flet si pacient i QSUT-së: Operuesi im ishte demokrat 24 karat

11:42 Sociale 2 komente

Rama: Ministri i Jashtëm bëri një operacion në Spitalin e ri të Sëmundjeve të Brendshme në QSUT, ja ç'më tha!

11:19 Sociale 4 komente

Rasti i mjekut Dervish Hasi, revolta e Altin Hazizaj: Nuk mund të na vijnë këtu me ligjet e Arabisë Saudite

10:15 Sociale 26 komente

Tragjike: Humb jetën në moshë të re, 18-vjeçarja, ish-missi nga Kavaja

09:51 Sociale 20 komente

Analisti nga Prishtina tërhiqet nga daljet në TV, revoltohen analistët e Tiranës

09:15 Sociale 9 komente

Veliaj: Sot Tirana një qytet kozmopolitan. Investimet kanë rritur vlerën e pronës së qytetarëve

20:33 Sociale 4 komente

Vonesa në zbatimin e ligjeve të emigracionit në Greqi, preken masivisht shqiptarët

20:00 Sociale 3 komente

VIDEO/ Rama ndan pamjet: Vijon puna në kantierin e rrugës së Dukagjinit, një nga investimet më të vështira infrastrukturore

14:37 Sociale