Te fundit
Kthesa e madhe demografike: 25,600 emigrantë të kthyer në një vit
21 Shkurt 2026, 22:30Sociale
TEMA
A po shkon Shqipëria drejt fundit të eksodit masiv? Sipas Profesor Arjan Gjonçës, të dhënat e fundit tregojnë sinjale të forta të një ndryshimi ciklik. Në një intervistë për emisionin Shqip nga Rudina Xhunga në Dritare TV, Profesor Arjan Gjonça, pedagog në London School of Economics (LSE) dhe ekspert i njohur i demografisë, ka shpalosur një analizë të thellë mbi tendencat e reja demografike në Shqipëri. Demografi i njohur prezantoi statistika që sfidojnë narrativën mbizotëruese të shpopullimit. Për herë të parë në dekada, vitet 2020-2024 po shënojnë një rritje të ndjeshme të numrit të emigrantëve që kthehen në atdhe.
"Vetëm në vitin 2023, kemi pasur rreth 25,600 të kthyer," theksoi Gjonça, duke cituar të dhëna të kryqëzuara nga INSTAT dhe vrojtime të organizatave ndërkombëtare. Ai shpjegoi se ky nuk është thjesht një kthim i pensionistëve që duan të kalojnë pleqërinë në vendlindje. Profili i të kthyerve ka ndryshuar rrënjësisht: bëhet fjalë për individë të moshës 35 vjeç e lart, të cilët kanë kaluar të paktën një dekadë në emigracion, kanë akumuluar kapital dhe përvojë, dhe tani kthehen për të investuar.
Faktorët që nxisin këtë kthim janë të shumtë. Së pari, zhvillimi i turizmit ka krijuar mundësi reale për biznes në qytete si Vlora, Durrësi, Berati dhe Tirana.
"Në Berat, për shembull, 69% e familjeve kanë lidhje me migracionin, dhe një pjesë e madhe e bizneseve në Kala janë hapur nga emigrantë të kthyer," ilustroi Gjonça. Së dyti, rritja e pagave në sektorin privat dhe publik në Shqipëri, e kombinuar me koston e jetesës që mbetet më e ulët se në Perëndim, e bën rikthimin financiarisht të leverdishëm për ata që kanë një profesion ose kapital fillestar.
Gjonça gjithashtu analizoi ndryshimin e gjeografisë së kthimit, duke vërejtur se shumica vijnë nga Greqia dhe Italia, vende ku kriza ekonomike dhe tregu i punës kanë qenë më të ashpra. Ai nënvizoi se ky fluks i ri kapitali është një motor i rëndësishëm për ekonominë shqiptare, pasi paratë e sjella nuk janë më dërgesa për konsum (remitanca), por investime direkte në agrobiznes, turizëm dhe shërbime. Megjithatë, ai paralajmëroi se qeveria duhet të krijojë lehtësira burokratike dhe siguri ligjore për pronën, që ky trend të mos jetë thjesht një fluskë e përkohshme, por një bazë e qëndrueshme për zhvillim ekonomik afatgjatë.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Me qesharake se ne kohen e Enverit. Po lini nam.
Askush, asnje njeri normal nuk mund ta kuptoje revolten ne goten e ujit te gjithe debilave qe pellasin. C'keni mor qe hidheni si kacagjela, ca problemi ka? Proceset historike nuk kane lidhje me fiksimet mendore te gomereve politike. Ndodhin me apo pa deshiren e gjithsecilit. Thjesht thirrini trurit dhe pranoni, se nuk ka ndonje gje te keqe nese ka ndodhur ky apo ai proces. Nuk eshte merite dhe faj i grupeve politike qe ju debila te beni tifozllik. Jane procese historike dhe kaq!
Po të ikur?
Ditën që ne do hyjm nē evrop do mbeten vetëm pensionistat dhe administrata e shalokut skizofren.
O karabushe… eshte koha e pensionit te atyre qe iken me ambasadat dhe ne fillim te demokracise. Cfare ka ketu per te mos u besuar? Me ate pension qe do marrin atje ku jane, jetesen nuk mund ta kene aq mire sa me pare, ndersa ne Shqiperi ato pensione qe marrin andej, jane te mira per te jetuar normal. Kjo ka ndodhur edhe me italianet, greket dhe vende te tjera qe emigruan masivisht ne vitet ‘50-60. U kthyen ne moshe pensioni dhe jetuan atje. U cuditen bythpambuket dhe shpellaret.
Kur të dhënat statistikore lexohen në mënyrë të pjesshme she interpretohen sipas një interesi të caktuar. Nuk quhet asgjë tjetër veçse "propagandë".