Kumbaro inspekton punimet e kampusit të Kolegjit të Europës: Së shpejti gati për studentët, një pjesë e dedikuar edhe për Kampusin e Univeritetit të Tiranës

Ministrja e Arsimit Mirela Kumbaro, së bashku me Rektoren në detyrë të Kolegjit të Europës, Ewa Ośniecka-Tamecka, dhe përfaqësues të Fondit Shqiptar të Zhvillimit, inspektuan ecurinë e punimeve në Kampusin e ri të Kolegjit të Europës në Tiranë, një nga investimet më të rëndësishme në fushën e arsimit të lartë dhe ndërkombëtarizimit akademik, duke krijuar kushte moderne për studentët dhe stafin akademik.

Njëkohësisht, në këtë kompleks do të vendoset edhe një pjesë e kampusit të Universitetit të Tiranës, me ambiente të dedikuara për studentët dhe pedagogët, duke plotësuar nevojat në rritje të universitetit dhe duke krijuar një pol të ri ndërkombëtar të arsimit të lartë në kryeqytet. Ky bashkëjetim akademik pritet të nxisë bashkëpunimin mes institucioneve, shkëmbimin e përvojave dhe forcimin e procesit të ndërkombëtarizimit të arsimit të lartë në Shqipëri.

“Kolegji i Europës do të transferohet së shpejti në godinën e tij të re, të ndërtuar sipas standardeve më bashkëkohore. Në këtë hapësirë do të vendoset edhe një pjesë e kampusit të Universitetit të Tiranës, me ambiente të dedikuara për studentët dhe pedagogët duke plotësuar nevojat e UT e njëkohësisht duke krijuar kështu një pol të ri ndërkombëtar të arsimit të lartë në kryeqytet, që do të nxisë bashkëpunimin akademik, shkëmbimin e përvojave dhe ndërkombëtarizimin e arsimit të lartë në Shqipëri”, njoftoi Kumbaro në rrjetet sociale.

Pak ditë më parë, gjatë konkursit për masterplanin e ri të Universitetit "Aleksandër Moisiu" në Durrës, edhe Kryeministri Edi Rama e cilësoi këtë projekt si pjesë të vizionit për transformimin e arsimit të lartë në vend.

"Ne jemi edhe në një proces të harmonizimit të nevojave dhe të adresimit të tyre mes Kolegjit të Europës dhe Universitetit të Tiranës. Kolegji i Europës po ndërtohet në Tiranë dhe është një zhvillim tjetër spektakolar i bazuar në një tjetër projekt të armatës tonë të arkitektëve ndërkombëtarë dhe aty do të krijohet mundësia që të ketë hapësirë të konsiderueshme edhe për Universitetin e Tiranës", u shpreh Kryeministri Rama.

Kampusi i ri i Kolegjit të Europës pritet të shndërrohet në një qendër të rëndësishme akademike rajonale, duke forcuar pozicionin e Shqipërisë në hartën evropiane të arsimit të lartë dhe duke krijuar mundësi të reja për studentët, pedagogët dhe bashkëpunimin ndërkombëtar.

Kryebashkiaku i Tiranës, Erion Veliaj bëhet prind për herë të dytë

13:00 Sociale 16 komente

VIDEO/ Protestë edhe për hallet e zemrës: Jam këtu se më ka lënë burri

21:32 Sociale 81 komente

Perlat e protestës/ Tepelena: Kemi mbështetje ndërkombëtare po jo nga ambasadorët! Protestuesja: Algoritmin do ta quajmë alboritëm (VIDEO)

21:20 Sociale 38 komente

VIDEO/ Protestuesja i përvishet Berishës: Na quajte ish të përsekutuar, por ne jemi ende të përsekutuar

20:47 Sociale 11 komente

Preferencat për universitetet, maturanët po orientohen drejt degëve që sigurojnë  punësimin

17:41 Sociale

VIDEO/ Historiani Marenglen Kasmi: Si po i përdor pseudo-patriotizmi ndjenjat kombëtare për ta zhvendosur protestën

17:00 Sociale

13.5 milionë pasagjerë në Rinas, Aviacioni Civil: Investime për të shmangur vonesat

14:20 Sociale 8 komente

Policia ndërhyn te Kryeministria, zhvendos grupin e protestuesve nga bulevardi

12:20 Sociale 25 komente

Strehim për familjet në nevojë, zv.kryeministrja Koçiu njofton projektin e ri në Librazhd

21:45 Sociale 5 komente

VIDEO/ Protesta kalon në format ndërkombëtar: nga fjalimi frëngjisht për Macron te turisti britanik në shesh

20:15 Sociale 104 komente