Te fundit
Rritet sërish çmimi i naftës në vend, arrin në 245 lekë për litër
26 Mars 2022, 09:29Sociale
TEMA
Foto ilustruese
Bordi i Transparencës ngritur për të menaxhuar situatën e krizës ka zbardhur vendimin për çmimin e karburanteve në vend. Bordi u mblodh dje më 25 mars dhe ka vendosur se deri më 1 prill çmimi i naftës i shitjes me pakicë do të jetë 245 lekë/litri.
Njoftimi i plotë:
Bordi i Transparencës i mbledhur në datë 25 mars 2022 vendosi çmimet e reja të shitjes së karburanteve me pakicë dhe shumicë për tregun vendas. Këto çmime reflektojnë ndryshimet që janë shfaqur në tregjet ndërkombëtare.
Nisur sa më sipër, Bordi i Transparencës i ngritur me vendim qeverie, me qëllim kufizimin e përkohshëm të çmimeve të tregtimit me shumicë/pakicë, bazuar në metodologjinë e ndërtimit të çmimeve sipas nenit 21/5 të Aktit Normativ, vendosi:
1. Çmimi me shumicë i nënproduktit gazoil do të jetë 233 lekë/litër dhe nënproduktit benzinë do të jetë 206 lekë/liter për periudhën 26 mars- 1 prill 2022
2. Çmimi i shitjes me pakicë i nënproduktit gazoil i standardit SSH EN 590 për periudhën 26 mars – 1 prill 2022, të jetë 245 lekë/litri.
3. Çmimi i shitjes me pakicë i nënproduktit benzinë e standardit SSH EN 228 për periudhën 26 mars- 1 prill 2022, të jetë 218 lekë/litri.
4. Çmimi i shitjes me pakicë i nënproduktit gaz për periudhën 26 mars- 1 prill 2022, të jetë 110 lekë/litri dhe me shumicë 98 lekë/litri.
Vendimi i Bordit hyn në fuqi dhe do reflektohet në datë 26 Mars, ndërkohë që mbledhja e ardhshme do të jetë ditën e premte, datë 1.04.2022 me qëllim pasqyrimin në çmimin e shitjes me pakicë të këtyre nënprodukteve, të ndryshimeve të mundshme të çmimeve në tregjet ndërkombëtare.
Çdo operator i shitjes me shumicë dhe pakicë i nënprodukteve të naftës është i detytuar të zbatojë Vendimin e Bordit të Transparencës, në lidhje më çmimet e shitjes me shumicë dhe pakicë.
Organet ligjzbatuese do të kontrollojnë zbatimin e vendimeve të Bordit të Transparencës çdo ditë.
Në rast të shkeljeve të konstatuara nga operatorë të ndryshëm do të vendoset pezullim aktiviteti,heqje licence dhe sekuestrim.
11 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Bordi i Legalizimit te Spekulimit
Hajdute ! Po pse nje jave. pra pse deri me 1 Prill? Kush vjedh fukarane eshte legen
Duke qene se ne si shqiperi nuk prodhojme nafte, dhe duke pare dhe situaten e krijuar per shkak te luftes, nafta vjen me cmim te rritur dhe normalisht do rritet dhe cmimi i tregut
Keq eshte po kshu do ndodh nese lufta vazhdon se dhe shteti ska cti bej cmimit kur mungon oferta
Kjo krize i ka ndikuar te gjitha vendet dhe i ka bere te marrin masa te rrepta. Ky cmim tavan te pakten na siguron qe cmimi sdo behet me i larte dhe do kete nje lloj stabiliteti.
Rritja e cmimit eshte dicka qe seshte ne doren e qeverise ske ci ben keshtu eshte kudo
nuk kemi ci bejm luftes duhet te jemi te durueshem te kthehemi ne gjendje normale
ore 500 te veje... sa kohe qe vazhdojne dalin xhiro me makina e bllokojne qarkullimin kot duke mos lene as kembesoret te kalojne ne rruge, prape pak eshte... Ndonje lajm sa eshte rritur mielli, veza e qumeshti keni?!! Ato jane lajme per shumicen e njerezve. Sa per keto jane lajme per ata me X5-6-7 e Cayenne
Per te prodhuar miell, veze dhe qumesht duhen punuar toka dhe traktorat e kombajnat nuk funksionojne me uji po me nafte.
na cmendet me keto raportimet komiteteve, si ne kohen e karantines
1,78 € e mora sot NE ASTI ITALI. 50 € afersisht 28 litra. Qeveria duhet te nderhyje TE ULE AKSISAT qofte edhe perkohesisht,sic ber Draghi ne Itali. Une nuk kam votuar kurre tjeter pervec Rames, por me erdhi keq kur e degjova qe me kokfortesi deklaroi qe s'do ti hiqte kurre taksat e naftes... Vertete shume keq!