Te fundit
Shkurte Fejza: Jam këtu për të mbështetur heronjtë tanë që na mbrojtën dhe po gjykohen padrejtësisht
17 Tetor 2025, 18:25Sociale
TEMA
Këngëtarja e njohur kosovare Shkurte Fejza ishte e pranishme në protestën e sotme në mbështetje të luftëtarëve të UÇK-së në sheshin “Skënderbej”, në Tiranë.
Ajo këndoi për të pranishmit këngën e saj të kthyer në hit, “Mora fjalë” dhe siç e shprehu vetë mes emocioneve për “Panorama”, e bëri për të mbështetur sadopak ata luftëtarë që po gjykohen padrejtësish në Hagë dhe për t’i mbrojtur ashtu siç ata mbrojtën shqiptarët.
“Është emocion. Janë të gjithë shqiptarë nga të gjitha trojet, shqiptarë nga të gjitha trevat gjenden këtu për të mbështetur luftëtarët e UÇK, heronjtë tanë, që po gjykohen padrejtësisht në Hagë. Për mua është një emocion i veçantë që gjendem këtu dhe të jap kontribut sadopak me këngën time “Mora fjalë”, për t’i kënduar, për t’i mbrojtur ata siç ata na mbrojtën neve.
Dhe faleminderit Shqipërisë për mbështetjen dhe organizimin, sepse shqiptarët kanë nevojë të jenë bashkë, një ditë, shumë ditë, gjithë vitin pse jo, se na mungon kjo, faleminderit”, tha këngëtarja mes të tjerash e emocionuar, teksa mbante kapelë dhe veshje me simbole kombëtare dhe të UÇK.
Më herët në podium, ajo falënderoi të gjithë të pranishmit dhe theksoi se një popull që nderon heronjtë, është i pavdekshëm.
“Faleminderit të gjithëve dhe atyre që na mbrojtën ne. Të këndojmë të gjithë së bashku “Mora fjalë”. Një popull që nderon heronjtë është i pavdekshëm”, u shpreh Fejza.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Bravo Shkurte Fejza, ti je vertet patriote nga Kosova.
Oh sa me FAT jane shqiptaret anembane globit qe kane ne cdo fushe YJE si Shkurte Fejza qe na bejne te ndihemi KRENAR PA FUND. Sa here qe degjoj kengen per Adem Jasharin ,ndjenjat jane te njejta , dhimbje dhe KRENARI per patriotet shqiptare qe kane dhene jeten per keto troje te lara me gjak nder shekuj.Zoti i dhashte shendet e jete te gjate se , e sigurte eshte qe zeri i saj permes kengeve do ta shoqeroje popullin tone te sakrifikuar padrejtesisht nga PLEHRAT E SIBERISE edhe shume e shume vite me rradhe.Rrofshin e u trashegofshin familjet patriotike shqiptare anembane globit.
Edhe ti paske qene ne ate tubim per tju bere gojore kriminelave, qe per doren UCK-ne.