Te fundit
Shqiptarët më inteligjentët në Ballkan, renditemi të 19-ët në botë
19 Janar 2026, 07:15Sociale
TEMA
Rreth 1.2 milionë persona nga e gjithë bota kanë marrë pjesë në testimin ndërkombëtar të IQ-së, i zhvilluar në dhjetëra shtete të ndryshme, me qëllim matjen e nivelit mesatar të inteligjencës sipas vendeve.
Të dhënat tregojnë se në 84.8% të shteteve, rezultati mesatar i IQ-së ka ndryshuar me më pak se 2 pikë nga viti në vit, çka tregon një stabilitet relativ në këtë tregues.
Por si paraqitet Shqipëria në këtë renditje globale?
Sipas të dhënave të publikuara nga International IQ Test, Shqipëria renditet në vendin e 19-të nga 137 shtete të marra në shqyrtim. Vendi ynë është vlerësuar me një mesatare prej 101 pikësh, rreth 4 pikë më shumë krahasuar me vitin e kaluar. Ky rezultat e pozicionon Shqipërinë si vendin me IQ-në më të lartë në Ballkan dhe në rajon.
Pas Shqipërisë renditet Serbia, e cila mban vendin e 32-të me 99.8 pikë, ndërsa Maqedonia e Veriut dhe Mali i Zi pozicionohen përkatësisht në vendin e 45-të dhe 51-të. Bosnje& Hercegovina mbyll listën e rajonit, duke u renditur në vendin e 67-të.
Cilët janë vendet me IQ-në më të lartë në botë?
Sipas rezultateve të testimeve, vendet aziatike dominojnë renditjen globale. Koreja e Jugut mban vendin e parë si shteti me IQ-në më të lartë në botë, e ndjekur nga Kina dhe Japonia. Këto vende njihen për investimet e forta në arsim, teknologji dhe kërkim shkencor, si dhe për ritmin e shpejtë të zhvillimit ekonomik dhe inovativ.
Në Evropë, rezultatet më të larta regjistrohen nga Rusia dhe Spanja, të cilat kryesojnë kontinentin për sa i përket mesatares së IQ-së.
Po vendet me IQ-në më të ulët?
Në fund të renditjes globale ndodhen disa shtete të Afrikës dhe Azisë Juglindore. Sipas të dhënave, Ruanda, Timor Leste dhe Somalia renditen si vendet me IQ-në mesatare më të ulët. Këto rezultate lidhen ngushtë me faktorë si varfëria, qasja e kufizuar në arsim, konfliktet e gjata, si dhe mungesa e investimeve në shëndetësi dhe zhvillim social.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po amerikane si renditen? Ata udhehiqen nga nje gjeni me IQ 195 dhe kane shkollat me te mire ne bote, pra duhet jene te paret ne bote.
SHBA eshte 99.7. Megjithate keto teste nuk tregojne asgje. Testet e kesaj natyre jane me baze vullnetare. Ma ate cfare kam pare sistemi i edukimit dhe vemendja e shqiptareve nuk jane kerkund afer asaj te viteve 80. Niveli i arsimimit dhe i rinise eshte beterr.
Ne kohen e xhaxhit arsimi ishte tamam, sot kot qe eshte. Keshtu degjeneroi arsimi ne kohen anarkike te Sali rrumpalles, e tani nuk mund te ribehet, jo vetem tek ne por kudo! Pastaj me arsim nuk shkon kerkund tash qe vjen koha e IA, pas 2030 do duhen 99% te pashkolle qe do di ushqeje nje Zot e di kush.
Kjo puna IQ është vk. Mbaj mend kur demek, ishim ata me më të ultën në Ballkan dhe serbët e përdornin këtë kundra nesh, demek budallenj këta. Pastaj ndodhi lufta dhe sërish Serbia humbi... Ka dalë ndonjë serb me thënë që na mposhtën njerëz më pak inteligjent se ta?