Te fundit
Stuhia 'Ciaran' në Shqipëri, cilat janë akset rrugore me probleme dhe zonat pa energji
4 Nëntor 2023, 12:18Sociale
TEMA
Ministri i Mbrojtjes, Niko Peleshi, ka reaguar në lidhje me problemet që kanë shkaktuar reshjet e dendura të shiut.
Peleshi deklaron se situata në Tiranë është përmirësuar, ndërsa aktualisht po vijon puna në disa segmente rrugore.
Sipas tij, probleme ka në segmentin Bënçë-Lekdush, në rrugën Picar- Golem dhe në disa disa akse rrugore në Shkodër, Dibër, Elbasan, Berat e Korçë.
Gjithashti, ai thekson se po ekipet e OSHEEE po mundësojnë rilidhjen e energjisë në disa zona të thella të Gjirokastrës, Vlorës, Beratit, Fierit, Korçës, Dibrës e Elbasanit.
"Reshjet e shiut kanë vijuar pothuaj në të gjithë territorin e vendit gjatë natës dhe vijojnë edhe në këto momente, por situata paraqitet normale në pjesën më të madhe të qarqeve.
Ekipet e emergjencave, koordinuar nga Agjencia Kombëtare e Mbrojtjes Civile, punonjës të drejtorive vendore të rrugëve, zjarrfikëses dhe policisë kanë punuar në terren për të garantuar qarkullimin pa vështirësi të qytetarëve dhe automjeteve.
Në Tiranë situata është përmirësuar, krahasuar me një ditë më parë.
Po punohet në segmentin rrugor Bënçë-Lekdush, në vendin e quajtur “Uji i Varur”, bashkia Tepelenë, në aksin rrugor Picar- Golem, për zhbllokimin e rrugëve nga inertet. Një grup prej 23 turistësh të huaj u evakuuan pa probleme, pasi u bllokuan në hyrje të kanionit të Langaricës për shkak të prurjeve të shumta të lumit.
Në disa akse rrugore në Shkodër, Dibër, Elbasan, Berat e Korçë po punohet për pastrimin e rrugëve. Ndërsa ekipet e OSHEEE po mundësojnë rilidhjen e energjisë në disa zona të thella të Gjirokastrës, Vlorës, Beratit, Fierit, Korçës, Dibrës e Elbasanit", shkruan Peleshi.
Më të lexuarat
24 oret e fundit
Javen e fundit
Blog Tema
Lini një Përgjigje