Te fundit
Të jetosh me aftësi të kufizuara, historia e vajzës nga Vlora që përballet me sfidat
13 Tetor 2022, 18:20Sociale
TEMA
Buzëqeshja e karakterizon çdo ditë edhe pse ka lindur me aftësi të kufizuara.
Kjo është Stelina Brakaj, vajza 23-vjeçare nga Llakatundi, e cila çdo ditë sfidon pamundësinë fizike, të cilën tashmë e ka kthyer në forcë. Dita e saj nis me vështirësi, por dëshira për të qenë e dobishme është më e madhe.
“Shkoj çdo ditë vetëm në punë, është e vështirë shumë edhe pak. Shumë ndonjëherë nga rrugët nga infrastruktura edhe është shumë pak se shkoj me dëshirën më të madhe”, u shpreh ajo.
“Unë merrem me pjesën e anijeve turistike, me pjesën e turizmit, me promocionin. Çdo ditë nisem nga shtëpia, shkoj te grupi i hoteleve dhe më pas te zyra, ku merrem kryesisht me rezervime hoteli”, tregon ajo.
E diplomuar për shkenca kompjuterike, ajo punon 8 orë në ditë, por jo të gjithë personat me aftësi të kufizuara e kanë mundësinë ta bëjnë.
“Duhet të ketë më shumë mundësi punësimi sesa ka, sepse nuk ka, sa duhet”, thotë ajo.
Për koleget e punës, Stela është një model për shumë të rinj.
“Me Stelën kam rreth katër vite që punoj, është një vajze shumë energjike, shumë pozitive shumë kreative, një vajzë super”, u shpreh një nga koleget e saj.
Si çdo e re, edhe Stela ka ëndrrat dhe dëshirat e saj në jetë.
“Dua shumë të krijoj një shoqatë ose organizatë për motivimin e personave, sidomos në gjendjen time që nuk janë të motivuar dhe ëndrra ime ajo është”, tregon ajo.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Je nji shembull Pozitive qe i duhet aq shume shoqerise Shqiptare . Te uroj shume suksese ne punen tende dhe nejeten tende .Si ke emrin je edhe vete .
shume e mrekullueshme,njeriu duhet te beje ate qe mundet,te "teren e ben Zoti".te gjithe jemi te perkohshem.ne kete jete,por e perjetshme eshte shembulli dhe pervoja e individit.Te uroj per shendetin dhe te pergezoj per kurajon e vullnetin.MIRNJOHJE
♡