Te fundit
Veliaj pret "Kadarenë e Lituanisë": Tirana, qytet me zhvilim të jashtëzakonshëm!
18 Prill 2024, 20:03Sociale
TEMA
Kreu i Bashkisë së Tiranës, Erion Veliaj priti në takim poetin, prozatorin dhe përkthyesin lituanez, Tomas Venclova. Teksa e cilësoi atë si “Kadarenë” e Lituanisë, kryebashkiaku theksoi se zëra të tillë, të kthjellët, janë personifikim i ringjalljes dhe shpresës në kohët e sotme.
“Është një kënaqësi e veçantë të kemi në qytet Tomas Venclova, një nga poetët jo vetëm më të mëdhenj, por edhe dissident, ose Kadareja i Lituanisë. Më vjen shumë mirë që në këto kohë të trazuara, në këto kohë ku ka konflikte, ku epshet e perandorive të vjetra po ringjallen e po duken kudo në botë, sidomos me luftën që po ndodh në Evropë, kemi nevojë për zëra të kthjellët, për ata që luftuan, mbijetuan, fituan, për të na dhënë edhe shpresë që asnjë pushtim nuk zgjat gjithmonë; asnjë çmenduri diktatoriale nuk zgjat gjithmonë dhe asnjë mbyllje e izolim nuk zgjat gjithmonë”, u shpreh Veliaj.
Për kreun e Bashkisë, sot kryeqyteti është shembull i një transformimi rrënjësor dhe një qytet i hapur ndaj botës, në dallim nga periudha kur poeti lituanez e vizitoi për herë të parë. “Ka gjithmonë forca dhe energji pozitive për të hapur vende, për të prodhuar liri dhe se dikush që e njeh Shqipërinë shumë mirë dhe ka ardhur ndër vite, jam shumë i lumtur sot që e gjen Tiranën jo vetëm të madhe dhe të pastër, por edhe një vend që është hapur ndaj botës. Kur kujtoj që ju keni ardhur këtu në ato ditët e izolimit, sot kemi një qytet krejt tjetër. Nga vendi më i rrethuar, më i izoluar, kemi 10 milionë turistë e ndoshta më shumë këtë vit”, tha ai.
Nga ana e tij, poeti lituanez, Tomas Venclova u shpreh se ndryshimi i kryeqytetit shqiptar është i pabesueshëm dhe se tashmë gjen një qytet me zhvillim të jashtëzakonshëm. “Tirana nuk njihet. Kujtoj vizitën asokohe, në Tiranën e viteve ’90, ishte diçka komplet ndryshe. Këtë ndërtesë e kujtoj, kujtoj Xhaminë, sheshin “Skënderbej”, por duket që ka pasur një zhvillim të jashtëzakonshëm, që nga koha e atëhershme”, u shpreh Venclova
Tomas Venclova konsiderohet si një ndër poetët më të rëndësishëm të Europës Lindore të shekullit të 20-të. Ai është një ndër 5 themeluesit e Grupit Lituanez Helsinki. Për të gjithë të interesuarit, në ambientet e ish-kinema “Agimi” po shfaqet një dokumentar rreth 100 minuta, për jetën e Tomas Venclova, i cili do të evokojë nostalgjinë, por edhe frymëzimin për brezin e ri, që synon angazhimin në politikë e në jetën aktive si dhe për të përcjellë mesazhin që shpeshherë historia përsëritet.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ik o veliaj tako drejtoret ne burg. Pse ndot edhe keta te shkrete qe mund te jene njerez te ndershem.
Ky poeti dhe prozatori i Lituanise po te kishte qene 130 vjec do te kishte vizituar Shqiperine edhe ne kohen e mbretit Zog, nuk do te mahnitej por do te vmendej dhe do te kishte vendin si pacient ne spitalin psikiatri qe eshte me ngarkese ne kapacitet te plote. Lali Fiku mos harro "Celsin" dhe "Kullen e Sahatit" t'ja japesh, apo te kane mbaruar ..... Lali Fiku nuk ka lexuar asnje liber te Kadares dhe e quan mysafirin "Kadare te Lituanise", lali lexon vetem libra me Alkapone dhe me banda qe vjedhin banka per 60 sekonda.
Veliaj te prese agjentet qe do ti vene prangat dhe mos te vazhdoje te vjedhe fondet publike dhe te zhvase qytetaret