VIDEO/ “Droni Edukues” survejon shoferët dhe këmbësorët në Tiranë: Kujdes këto dy shkelje

12 Shkurt 2024, 12:50Sociale TEMA
VIDEO/ “Droni Edukues” survejon shoferët dhe

Policia Rrugore e Tiranës ka ndarë pamjet e monitorimeve të kryera me dronë për të evidentuar dy nga shkeljet që bëhen nga drejtuesit e mjeteve dhe kalimtarët gjatë përdorimit të rrugës.

Sipas policisë sjellja e drejtuesve të mjeteve që nuk zënë pozicionin e duhur në korsi kur kanë për qëllim të kthehen majtas ose djathtas, duhet të ndryshojë.


Gjithashtu bëhet apel edhe ndaj këmbësorëve që të mos kapërcejnë karrexhatën jashtë vendkalimeve të caktuara për këmbësorë. Kjo veprimtari, sipas policisë, rrezikon sigurinë e vetë kalimtarëve, por dhe të të tjerëve.

“Përmes këtyre pamjeve, “Droni Edukues”, synon rëndësinë e respektimit të rregullave të qarkullimit rrugor dhe të inkurajojë një sjellje më të sigurtë dhe më përgjegjëse nga të gjithë.

Ne të gjithë kemi përgjegjësi për të mbajtur rrugët tona të sigurta. Le të marrim këto mesime dhe të punojmë së bashku për një ambient më të sigurtë dhe më miqësor në rrugë”, thuhet në njoftimin e policisë.

 

3 Komente

  1. I
    Idlir

    Karrexhata e sateme .

    1. T
      Treni

      Po ikni mor ju shplafsha trutë, se as një muaj më parë, më vjen makina pingul te vizat e bardha. Shiko majtas djathtas, por edhe përpara se këtu s'keni lënë alabak pa i dhënë patentë. Po edukoni lesht e bubit ju plehrat e rrugorës

      1. f
        foshnja

        Te dyja kryqezimet nuk kane asnje tabele sinjalistike ne ane te rruges, as vijezime te tregojne sesi vazhdon secila korsi, vetem ca vija te fshira kembesores. Droni edukues i ketyre plehrave qe thjesht ja bejne jeten njerezve te pamundur dhe i vjedhin leket. Shiko nje kryqezim te thjesht ne nje vend te huaj, do kete nje 8 tabela te pakten

        Lini një Përgjigje