Te fundit
Zbulohet numri i emigrantëve që janë nisur nga Italia në Shqipëri me anijen e parë
14 Tetor 2024, 20:50Sociale
TEMA
Mediat italiane kanë zbuluar në orët e mbrëmjes numrin e emigrantëve që janë nisur sot me anijen e parë drejt Shqipërisë. Nga sa mësohet nga “Ansa”, në bordin e anijes “Libra” të Marinës ndodhen 16 emigrantë të nisur drejt Shqipërisë, ku do të transferohen në qendra të hapura nën juridiksionin italian. 10 prej tyre janë nga Bangladeshi dhe 6 egjiptianë.
Anija e parë nga Italia me emigrantë që do të vendosen në kampin e Gjadrit është nisur sot nga Italia.
Refugjatët e hipur në anijen “Libra” të Marinës Italiane, të gjithë meshkuj, janë shpëtuar në det të hapur gjatë javëve të kaluara, njofton gazeta “La Repubblica” më herët, dhe në Shqipëri do të kontrollohet aplikimi i tyre për azil në Itali.
Ndërsa gratë dhe të miturit, apo personat e sëmurë, janë dërguar në Lampedusa.
Sipas gazetës italiane, personave në bord iu është bërë një kontroll paraprak, ndërsa në kampin e Gjadrit do t’i nënshtrohet një kontrolli më të thelluar për të verifikuar nëse do të përfitojnë apo jo azil në Itali.
Operacioni i nisur pas nënshkrimit të një marrëveshjeje mes qeverisë italiane dhe asaj shqiptare është kundërshtuar nga Gjykata Europiane e Drejtësisë, me argumentin se shtetet e origjinës së listuar si të sigurt nga Italia nuk përbëjnë shkak për të mohuar kërkesën për azil në rast se azilkërkuesi ka pësuar tortura apo trajtime çnjerëzore. Dhe nëse vendimi do të konfirmohet, atëherë, shkruan “La Repubblica”, numri i refugjatëve në Gjadër do të ishte shumë i vogël.
Ndërkohë, organizata joqeveritare “Sea Ëatch”, e njohur për kontributin e saj në shpëtimin e emigrantëve në det, ka kritikuar nismën e Melonit. “Qeveria e vetëshpallur patriote e Melonit po shpenzon miliona euro për të burgosur mijëra emigrantë në Shqipëri. “Paratë e taksapaguesve mund të ishin përdorur më mirë”, thuhet mes të tjerash në postim.
I menjëhershëm ka qenë dhe reagimi i kryeministres, e cila deklaron se ka marrë një mandat të qartë nga qytetarët italianë për të mbrojtur kufijtë dhe për të ndaluar trafikun e qenieve njerëzore.
“Çfarë skandali! Një qeveri që - me një mandat të qartë të marrë nga qytetarët - punon për të mbrojtur kufijtë italianë dhe për të ndaluar trafikun e qenieve njerëzore, përmes veprimeve konkrete dhe marrëveshjeve ndërkombëtare”, shkruan Meloni.
Të dielën, kryeministri Rama tha në një intervistë pikërisht për “La Repubblica” se refugjatët nuk do të kenë asnjë mundësi për të dalë nga kampi ku do të vendosen. “Marrëveshja parashikon që emigrantët nuk mund të largohen nga kampi dhe të udhëtojnë lirshëm në Shqipëri. Nëse kjo do të ndodhte, një plan veprimi i miratuar do të vihet në lëvizje. Do të shqetësohem nëse dhe kur ka arsye për t’u shqetësuar, dhe vetëm nëse Italia na kërkon të ndajmë shqetësimin. Deri atëherë, nuk jam i shqetësuar”, thotë Rama.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kjo anije, paska emrin e partisë së Ben Blushit….
KUJDES BANGLALESHASIT SE JU PELQEN RAKIJA
ESHTE NISUR NJE ANIJE LUFTARAKE ME VETEM 16 JEVGJITER ? PO KETA QENKAN SUPER VIPA. KJO ESHTE CMENDURI
Çfarë kuptimi ka ndërtimi i qendrës së emigrantëve për Italinë në Shqipëri? Italia është e vogël? S'ka hapësirë?
Per te shujt kuriozitetin : Sa jan shpenzimet e nje Fregate per te sjell nga Italia ne Shqiperi 16 emigrant ?! Edhe Furgoni qe ka nje shofer,dhe djeg 10 - 12 litra naft, po nuk u mbush plot ( Haajde se hikem ) nuk niset Shengjin - Lezh se nuk i del leverdia ! Fregata me gjith at ekuipazh me shum marinar, se te burgosur ,sikur te jen te Al Kaidas dhe po i dergojn per hetim ne nje burg te ngjashem me Guantanamon ... tipike Italiane,shum show per asgje ! Largojm 16 e hyjn me mijra ! Vetem nje rast di kur njerezit transportohen me anije Luftarake ,rasti i Abdulah Ocalan,Udheheqesit Kurd te PKK ,i cili u dergua me fregat ne nje ishull per te vujt denimin . Me kthyet mbrapa ne koh,kur Ushtria dhe Policia greke,na ngjeshnin si sardele siper njeri tjetrit,me qindra kilometra rrug per te na kthy ne Shqiperi,kurse Arabet ....jo me tragetin e linjes,por me Fregat ,dhe me hapsir te bollshme transporti !