Te fundit
Bologna sfidon Inter, por monitoron edhe… Kristjan Asllani-n
20 Prill 2025, 14:38Sport
TEMA
Ndeshja e sotme mes Bolonjës dhe Interit do të jetë shumë interesante për klasifikimin në Serinë A, pasi vendasit duan të ruajnë vendin në zonën Champions, ndërsa zikaltërit të shkëputen përsëri nga Napoli. Por ky takim mes palëve është i veçantë edhe për Kristjan Asllanin.
Te Bolonja nuk e kanë fshehur dëshirën pë të marrë në radhët e tyre mesfushorin shqiptar dhe trajneri Vinçenco Italiano e ka kërkuar edhe në vitet kur ishte në bankinën e Fiorentinës. Interi nga ana tjetër ndjek disa futbollistë të Bolonjës dhe ndeshja e sotme pritet të jetë një mundësi e parë mes drejtuesve të klubeve për të lënë takim për të diskutuar strategjitë e merkatos.
Asllani nuk po gjen hapësirat e duhura te Interi dhe kalimi te Bolonja mund të ishte një mundësi e mirë për mesfushorin shqiptar, duke pasur parasysh ambiciet në rritje të kësaj skuadre e cila po bëhet pjesë e vazhdueshme e grupit të atyre që luftojnë për një vend në Ligën e Kampioneve. Një rol protagonisti në këtë ekip mund ta ndihmonte Asllanin të bënte hapin cilësor që pritet prej tij, për t’u kthyer në një të padiskutueshëm në Serinë A.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Vetem se Asllani nuk luajti asnje minute dhe Interi u mund me nje gol spektakolar to Orsolinit. Asllani ka nje difekt shume te madh, qe mbase e ka fituar nga qe nuk luan rregullisht, Ai asnjehere nuk del i lire per te kerkuar toppin, por fshihet pas kundershtarit duke mos i dhene mundesi shokeve qe kane topin per tia pasuar. Eshte vertet shume e cuditshme se si nje lojtar organizator luan gjithmone mbrapa kundershtareve si te kete frike qe do ti pasojne topin, kur kjo eshte pikerisht detyra e tij.