Te fundit
CR7-Al Nassr, aventura e re e portugezit nis me skualifikim: arsyeja
4 Janar 2023, 22:25Sport
TEMA
Cristiano Ronaldo nuk mund të debutojë nesër me Al-Nassr për shkak të Federata Angleze të Futbollit. Pesë herë fituesi i Topit të Artë, 37 vjeç, tani është sportisti më i paguar ndonjëherë, pasi nënshkroi një marrëveshje fitimprurëse prej 173 milionë sterlinash në vit me klubin e Saudi Pro League.
Ronaldo, i cili u lirua nga Manchester United muajin e kaluar pas intervistës së tij të bujshme me Piers Morgan, mbërriti në Riad të hënën dhe u përshëndet nga një grup i madh fansash.
Sulmuesi më pas iu nënshtrua testeve mjekësore të martën përpara prezantimit të tij zyrtar, i cili u zhvillua në stadiumin e Al-Nassr – Mrsool Park – dhe më vonë ai iu bashkua shokëve të rinj në seancën e tij të parë stërvitore.
Al-Nassr shpresonte t’i jepte yllit portugez debutimin e tij të madh nesër, pasi kishte shitur të gjitha biletat e stadiumit prej 28,000 vendesh për ndeshjen kundër Al Ta’ee.
Megjithatë, atij i është thënë se është pezulluar për shkak të dënimit të dhënë nga FA, pasi ia mori nga duart dhe përplasi telefonin e një tifozi të Everton-it.
Ronaldo u dënua me dy ndeshje dhe u gjobit nga FA në nëntor pas incidentit me tifozin autik në Goodison Park në prill dhe nuk u paraqit më me Djajtë e Kuq.
Dhe kjo e pengon efektivisht Al-Nassr-in të aktivizojë yllin e tyre të ri derisa të ketë shlyer dënimin prej dy ndeshjesh. Neni 12.1 i Rregullores së FIFA-s për Statusin dhe Transferimin e Lojtarëve thotë:
“Çdo sanksion disiplinor deri në katër ndeshje ose deri në tre muaj që i është dhënë një lojtari nga kampionati i mëparshëm, por që nuk është kryer ende (tërësisht) deri në momentin e transferimit, do të zbatohet nga kampionati i ri në të cilën lojtari është regjistruar”.
Pas ndeshjes së nesërme, Al-Nassr nuk do të kthehet në fushë deri të shtunën më 14 janar në një derbi kundër Al-Shabab. Ata më pas përballen me Ettifaq në shtëpi më 21 janar – që tani duket se do të jetë ndeshja e parë e Ronaldo-s.
Më të lexuarat
24 oret e fundit
Javen e fundit
Blog Tema
Lini një Përgjigje