Goli i parë me Besiktasin dhe njeriu i ndeshjes, rrëfehet Ernest Muçi: Duhet të shënoj gola, është detyra ime

26 Shkurt 2024, 11:06Sport TEMA
Goli i parë me Besiktasin dhe njeriu i ndeshjes, rrëfehet Ernest

Ernest Muçi shënoi golin e parë me Besiktasin.

Sulmuesi i talentuar shqiptar u transferua në Stamboll në ditën e fundit të merkatos dimërore.

22-vjeçari, i cili u shpall lojtari më i mirë i ndeshjes, realizoi një gol shumë të bukur në suksesin 0-2 të Besiktasit përballë Istanbulsporit.

Muçi foli pas ndeshjes për kanalin zyrtar të klubit turk, ku ndër të tjera theksoi se ai dhe shokët e tij duhet të vazhdojnë përpara me të njëjtin fokus.

Ishte një ndeshje shumë e rëndësishme për ne. Bëmë atë që duhej të bënim.

Duhet të luajmë me të njëjtin përqendrim në ndeshjet e mbetura.

Fitorja? Shënuam dy gola dhe nuk pësuam, kjo është një gjë shumë e mirë për ne.

Goli im? Duhet të kontribuoj në sulm duke shënuar gola, është detyra ime.

Përtej golit, rëndësi ka që skuadra të jetë e suksesshme”, theksoi lojtari i kombëtares shqiptare.

Lini një Përgjigje