Te fundit
Lamtumirë djalit qytetar, fisnik dhe simpatik, basketbollistit të Tiranës së artë të viteve ’70–’80, Piro Koleka
23 Janar 2026, 18:26Sport
TEMA
Nga Ilir Demalia
Piro Koleka lindi në Tiranë në vitin 1952, djali i doktor Gogo Kolekës dhe Netës, një zonjë e rrallë, fisnike, me rrënjë kroate. U rrit në një shtëpi ku edukata, kultura dhe dinjiteti ishin mënyrë jetese, jo fasadë. Që fëmijë mbarti mbi vete atë elegancë natyrore që nuk mësohet në libra dhe nuk blihet me para — trashëgohet dhe jetohet.
Nxënës i “Sami Frashërit” dhe më pas student i Fakultetit të Shkencave, dega Kimi, Piro ishte ai djalë që shpërqendronte vëmendjen e Tiranës jo vetëm me fizikun sportiv dhe pamjen e hijshme, por me mënyrën si ecte, si fliste, si vishej. Rrobat që i vinin nga Kroacia, nga njerëzit e mamasë, binin në sy, por ajo që mbetej ishte shija e hollë, sjellja prej xhentëlmeni dhe një fisnikëri që nuk kishte nevojë të shpallej — sepse ndjehej.
Dhe megjithatë, Piro nuk iu nda kurrë “pazarit të parë”. Nuk iu nda kurrë komshies me të cilën u rrit dhe me të cilën ndërtoi familjen e tij të bukur me Lindita Vrapin, duke lënë pas dy djem të mrekullueshëm tironcë, Gjergjin dhe Angelon — vazhdimësi gjaku, karakteri dhe fryme qytetare.
Vetëm 16 vjeç, Piro veshi fanellën e ekipit të parë të Tironës, në një kohë kur parketi ndizhej nga emra legjendarë të basketbollit shqiptar: Vaso Shaka, Bujar Shehu, Gavrosh Levonja, Kujtim Kasmi, Land Topalli. Ishin vitet e lavdisë, kur Tirona u shpall kampione me atë kosh të paharruar nga mesi i fushës i Land Topallit, në tri sekondat e fundit — një moment që ende rreh në zemrën e qytetit.
Ai ishte kampionati i fundit i madh për Tironën, përballë një Partizani të ushqyer nga pushteti, me legjendën Agim Fagu e më pas Gazmend Çaçin, me lojtarë të mbledhur nga e gjithë Shqipëria dhe me arbitrime të diktuara nga lart. Tirona u etiketua si “klub reaksioni”. Dhe po — një nga këta “reaksionarë”, në kuptimin më të bukur të fjalës, ishte edhe Piro Koleka.
Në “Klubin Petëf”, në “Bodrumin e Hykajve”, apo në apartamentin e Kolekajve te “dyqanet me koma”, siç i thoshim ne tironcit, zhvilloheshin biseda pa fund me rebelët e regjimit. Net që zgjateshin deri në orët e vona, mes gotash që trokisnin me shpresë dhe lajmesh që vinin përtej Adriatikut e Atlantikut. Aty Piro ishte vetvetja: i qetë, i thellë, i mençur, me një elegancë mendimi që nuk kërkonte zë të lartë për t’u dëgjuar.
Në moshën 17-vjeçare, Piro ishte pjesë e pesëshes së parë të Tironës, përkrah Shakës, Levonjës, Kasmit dhe Shehut. Për vite me radhë na dhuroi emocione, lot dhe krenari — si me fanellën bardheblu, ashtu edhe me atë kombëtare.
Më 28 janar 1973, kur Vaso Shaka, legjenda e basketbollit shqiptar, u largua nga sporti, fanellën e tij ia besoi 20-vjeçarit Piro Koleka. Ishte një dorëzim simbolik dinjiteti, karakteri dhe vazhdimësie.
Por Piro ishte shumë më tepër se një sportist i madh. Ishte njeri i madh. I hapur, i drejtë, pa paragjykime. Një cilësi sot pothuajse e zhdukur: nuk e konsideronte kurrë veten mbi të tjerët. Kjo e bënte jo arrogant, por fisnik. Ishte tolerant, i thjeshtë në shpirt, “down to earth”, por me një aristokraci natyrore që nuk kishte nevojë për tituj, poste apo duartrokitje.
Piro nuk do t’i mungojë vetëm familjes dhe shoqërisë së tij. Ai do t’u mungojë qytetarëve të Tiranës, vetë qytetarisë së saj — asaj që po rrallohet dita-ditës, e dhunuar nga vulgariteti grabitqar, nga provincializmi pa fre, nga vaniteti i zhurmshëm që Piros i krijonte pështjellim dhe dhimbje. Dhe ndoshta për këtë arsye u largua — sepse nuk donte ta shihte qytetin e tij të përulur.
Të qoftë rruga e lehtë në amshim, miku im.
Tirana ishte më e bukur me ty.
23 Komente
Lini një Përgjigje
Më të lexuarat
24 oret e fundit
Javen e fundit
Blog Tema
rrespekte Syço. vertet e ke qa. jam brez me i ri por ne adoleshence kam ndejt te Flora (baste, diskutime sporti . Tirona, Dinamo Arsen Hoxha me hater, Genc Tomorri, Tit Muka etj etj Ishin kohe qe nuk kthehen mo, pa malokeri
Ca te dhena bruto ka hedhur Syci sepse teksti qartas eshte shkruar me ChatGpt. Nuk ka shanse Syci te shkruaje me kete drejtshkrim dhe sintakse.
Emer i madh, njeri i madh, lojtar i madh, nxenes i shkolles fillore 4 deshmoret ku kam kryer 3 klaset e para edhe une me te madhin Pirro. Kam respekt per Ilirin, shkruan bukur por mbase me pak politike ne keto raste. Qofte i xhenetit.
R.I.P Pirro bravo syci,por ne disa rreshta e ke tepruar kur thua prisnit lajme nga pertej adriatikut
Bukur dhe thjesht,Tirana ishte me e bukur me Piro Koleken.Ske çfar thua më.I perjeteshem kujtimi i tij.
Pirro te qofte dheu i lehte!
Pirros I qofte dheu I lehte! Pirro ishte me shume SE aq!
Ngushellime familjes dhe te afermeve.
Ngushellime familjes!
Ngushellime familjes.Piro sportist shume i mire.Piro shquhej per tre hapshin qe nuk kishte kundeshtar ta ndalonte ishte kosh pa diskutim.Sigurishte qe personalitete te tille do ti mungojne jo vetem familjes por gjithe sporteshesve.
R. I. P. PIRO Ngushullime familjes Nga nji tifoz i 17Nendorit te modhe
Mire cdo gje, por fotografine pse ia keni masakruar ne ate fare feje me retushime te pakuptueshme dhe jo profesionale.
Pirron e kam pasur komshi, Ai ishte tamam sic shkruhet ne kete artikull. Nje djale i shkelqyer nga nje familje e shkelqyer, bukuroshi i lagjes tone. I qofte i lehte dheu. Ngushellime Lindites dhe femijeve
Pirro Koleka nje nder basketbotllistet me te paharruar te Tirones dhe Shqiperise ku stervitej ne fushen me dhe (pluhur qymyri) ne Rr. se Kavajes ne Parkun Sportiv me emrin emblamtik te Xha Tomiit. Pirro sportist pa fjale por me loje qe linte ne hije emra legjendesh ne basketboll me elegancen e triblimit dhe shenues i pagabuar ne kosh. Ato muhabetet me bodrume e derci verci t'i mbaje per vete injoranti i shkrimit me 8 klase shkolle. Tek Tirona e atyre viteve desident i hapur kunder sistemit me ironi dhe shpoti ka qene vetem Gosh (Gavrosh) Levonja, djali i te madhit Besim Levonja autori i komedise se pavdekeshme Prefekti dhe i Behije Celes nje aktore origjinale dhe e paperseritshme.
R.I.P. Pirro Do Te thoja gjigand I basketbollit shqyptar dhe I sportit ne pergjithesi Kenaqesi qe kam pasur fatin ta shoh ne disa pallate sporti tw asaj kohe absurde . Po Tirana ishte me e bukur me Pirron por jo me artikullshkruesin. Prandaj dhe iku Pirro se ne Tirane Kane ngele Sycat dhe ca there si ai apo edhe me keq Ngushellimet me te sinqerta familjes dhe klubit Tirona
Më pëlqeu përshkrimi për Pirro Kolekën, njërit prej basketbollistëve më të talentuar të Tironës, përkrah Vaso Shakës e Kujtim Kasmit. Veçanërisht këta të tre ishin për mua si sportist dhe tifoz i Tironës ajka e ekipit. Kam patur nderin të njihem personalisht si me Syçin , po ashtu me të ndjerin. Me të dy kemi ndarë mendimet e kemi trokitur gotat. Me Syçin dhe Ben Hajron ke 15 katshi, pak jave para se t'i jepnim lamtumirën vendlindjes me të njëjtin traget. Kurse Pirron e kam njohur në dasmën e një shoku të tij të ngushtë, kamarier ke Vollga, që për fat rë keq dhe ky është ndarë nga jeta pas një aksidenti tragjik. Pirros i qoftë dheu i lehtë. Në mendjen e "çunave" ai qëndron më lart se kullat salo-edviniste që i kanë zënë frymën kryeqytetit.
Ngushellime familjes, Pirro ishte djale i rradhe, mik i te gjitheve, me cilesite me te mira e nje qytetari dinjitoze, sportist i niveleve te larta kam kujtime te paharrueshme me te ne Shkoder e Tirane Lamtumire njeri i mire
Ngushellime familjes, Pirro ishte djale i rradhe, mik i te gjitheve, me cilesite me te mira e nje qytetari dinjitoze, sportist i niveleve te larta kam kujtime te paharrueshme me te ne Shkoder e Tirane Lamtumire njeri i mire
Ngushellime familjes, Pirro ishte djale i rradhe, mik i te gjitheve, me cilesite me te mira e nje qytetari dinjitoze, sportist i niveleve te larta kam kujtime te paharrueshme me te ne Shkoder e Tirane Lamtumire njeri i mire
Ngushellime familjes, Pirro ishte djale i rradhe, mik i te gjitheve, me cilesite me te mira e nje qytetari dinjitoze, sportist i niveleve te larta kam kujtime te paharrueshme me te ne Shkoder e Tirane Lamtumire njeri i mire
Largohet një person që një të ngjashëm si ai mund ta gjesh vetëm te ata që kanë të paktën 10 breza qytetarë! Shkruesi i artikullit shumë korrekt
Tani mora vesh per ndarjen nga jeta te ish basketbollistit te shquar te Tirones, Pirro Koleka. Ngushellime familjes ! Pa ate, Tirana do te jete me pak e bukur, me pak e hijshme, me pak qytetare. Qofte i Parajses !
Sa u hidherova.E vertete sa thote Syci Modh.Pirro.ishte me.te vertete nje njeri model nga.te.gjitha drejtimet i urte modest.me.edukate.Mw erdhi me.te vertete sh.keq ti rrojne femijet.